Christopher ntiyishimiye uburyo yaririmbye mu Bubiligi

Umuhanzi Muneza Christopher ubwo yari ageze i Kigali avuye mu Ubibiligi yabwiye Umuseke  ko igitaramo avuyemo muri icyogihugu atashimishijwe n’uko yagikoze.

Imwe mu mpamvu yatumye uyu muhanzi atitwara nkuko we yavuye mu Rwanda abyiteguye cyangwa se abishaka, ni ikibazo cy’ubukonje yahuye nacyo maze no mu myitozo biramugora kubera gusarara.

Mu ijoro ryakeye ahagana ku i saa mbiri n’igice nibwo uyu muhanzi yari ageze ku kibuga cy’indege i Kanombe avuye mu Bubiligi.

Christopher yagize ati “Nagiye niteguye gushimisha abantu birenze uko banyumvaga cyangwa se uko bari banyiteguye, gusa nza kugira ikibazo cyo gusarara kubera kutamenyera ubukonje bwari hariya.

Ntabwo byababujije kunyishimira ndetse no kwishima bo ubwabo ariko njye siko nari nabiteguye”.

Abajijwe ikintu cyamutunguye akigera hariya dore ko ari u bwa mbere yari agiye ku mugabane w’Uburayi, yavuze ko amasaha yaho yihuta cyane kuko iyo utinze mu kintu usanga ikindi kigucitse.

Kimwe mu cya mubabaje ni ukuntu ngo yumvaga azaza azanye inkweto idafitwe n’umuhanzi n’umwe mu Rwanda ariko kubera ko yatinze mu gitaramo yasanze saa kumi n’ebyiri bafunze aho yari kuzigurira kandi ari ngombwa ko ahita ajya ku kibuga cy’indege akagaruka mu Rwanda.

Joel Rutaganda
ububiko.umusekehost.com