Gutoranya Miss Rwanda 2014 byerekeje i Musanze

Mu minsi ishize ni bwo hatangiye gushakisha nyampinga w’u Rwanda 2014 aho byahereye mu Karere ka Rwamagana mu Ntara y’Uburasirazuba, kuri iyi nshuro hatahiwe abakobwa bakomoka mu Karere ka Musanze mu Ntara y’Amajyaruguru.

Kuri uyu wa gatandatu tariki ya 11 Mutarama, 2014 ni bwo hateganyijwe icyo gikorwa cyo gukomeza gushakisha abakobwa bazitabira irushanwa ryo guhitamo nyampinga 2014, igikorwa kizazenguruka Intara zose zigize igihugu.

Bimwe mu bisabwa umukobwa wese ushaka kwitabira iryo rushanwa, harimo kuza yitwaje irangamuntu (ID Card).

Ifoto ngufi y’ibara (Passport en couleur) ku biyandikishirije kuri telefone cyangwa kuri Interinet (website). Icyemezo cy’uko yarangije amashuri yisumbuye (Diplome, Attestation de réussite, Bulletin ya mu mwaka wa gatandatu S6, Carte d’étudiant ku biga muri Université).

Aba bakobwa kandi bagomba kuzana ikanzu n’inkweto ndende.

Biteganyijwe ko ku itariki ya 18 Mutarama, 2014 icyo gikorwa cyo gutoranya nyampinga kizabera mu Karere ka Rubavu muri Kaminuza RTUC ishami rya Rubavu.

Joel Rutaganda
ububiko.umusekehost.com