Mexique U17 ni yo yegukanye igikombe itsinze Uruguay 2-0

Ikipe ya Mexique y’abatarengeje imyaka 17, ni yo yegukanye igikombe itsinze Uruguay 2-0, umukino waberaga kuri sitade  Estadio Azteca, ibitego by’iyi kipe yakiriye amarushanwa bikaba byatsinzwe na Capitaine  Antonio Briseno n’uwitwa Giovani Casillas. Iki ni igikombe cya 2 Mexique itwaye mu batarengeje 17 mu gihe cy’imyaka 6 gusa.

Ni umukino watangiye amakipe yigana ariko ikipe ya Mexique ikaba yari imbere y’abafana bayo bagera ku 100 000 bayihaga morali, sitadi  Azteca ikaba yari yuzuye. Abafana benshi bakaba bari bambaye ibitambaro by’umweru mu rwego rwo kwifatanya n’umwana Julio Gomez, wakomeretse mu mutwe ubwo Mexique yatsindaga Ubudage muri kimwe cya kabiri.

Nk’ibisanzwe Uruguay yakinaga wa mukino yatsindishije Amavubi ariko bikaba byayigoye cyane hagati kuko Mexique yakinishaga kuyima umupira na tekiniki nyinshi. Kuri centre nziza y’ubuhanga bwinshi umukinnyi  Juan San Martin yashyizeho umutwe aheraza kapiteni we Antonio Briseno abatsinze igitego ku munota 61 w’umukino. Mu minota yanyuma Uruguay yakoze ikosa ryo kuzamuka ishaka kwishyura, maze abakinnyi bo hagati batakaza umupira umukinnyi, Giovani Casillas wari wenyine yatsinze igitego cya kabiri ku munota wa 92 w’umukino birangira gutyo.

Mu mukino wo guhatanira umwanya wa gatatu, warangiye Ubudage butsinze Brezile ibitego 4-3.

Hatangimana ANGE-ERIC
Umuseke.com