Afite imyaka 30 ariko asa n’umwana w’uruhinja

Webmaster Marcel
11/30/2011

Mu gihugu cya Brezile haravugwa umukobwa witwa Maria Audete do Nascimento, ku myaka 30 y’amavuko ntavuga nta n’ubwo agenda. Nyirabayazana ngo ni indwara yitwa thyroïde, ibuza umubiri we n’ubwonko gukura uko bikwiye, ibi bituma ngo asa n’umwana w’uruhinja rufite amezi 9.

Maria Audete do Nascimento afite imyaka 30, ariko asa n’umwana w’uruhinja

Nkuko abaganga babivuga ngo uburwayi bwe bwari kuvurwa bugakira iyo buza kumenyekana kare. Ibyo byari gutuma Maria akura nk’ibisanzwe. Ikivugwa ngo ni uko ababyeyi be nta bushobozi bari bafite bwo kugura imiti.

Maria wavutse ku itariki ya 7 Gicurasi 1981, ngo yabayarabonye abagiraneza bagiye kuzamwitaho bakamuvurira ubuntu. Aba bagiraneza ni abo muri Kaminuza ya Ceara bamugiriye impuhwe bakazamuvura bifashishije imisemburo ituma umuntu akura. Birashoboka ko Maria ufite imyaka 30, ashobora kuzakura akigenga.

Gusa ubu buvuzi ngo bushobora kuba buje butinze, bityo ngo icyo buzamufasha ni ukubasha kugenda, kuba yabasha kurya nta we umufashije ndetse no kuba yabasha kuvuga amwe mu magambo. Ngo kuri ubu aho ibihe bigeze nta bwo umubiri we wabasha gukura byuzuye nkuko yavutse.

HATANGIMANA Ange Eric
UM– USEKE.COM

7 Comments

chadia says:
11/30/2011 at 12:16

yoooh;Imana imufashe disi azakire! ese iyo ndwara yaba iterwa niki?

jose mary says:
11/30/2011 at 13:19

Imana ikora ibyayo pe! wagirango ni Little Man.Imana ishobora byose ntakiyinanira mu gihe gikwiye izamwibuka abe umuntu uri efficace.

desire says:
12/01/2011 at 08:19

uyu mukobwa nakira muzatugezeho amakuru ye. Yoooo Imana ikora ibitangaza ariko kandi nta kiyinanira na kimwe

ntawuyirusha aloys says:
12/01/2011 at 16:49

abanyarwanda turabe twumva hato hatazagira umwe mutitwe umera nka kuriya bitewe no kurangarana umwana niba ntanubushobozi kuko tuzi ko bibaho bimenyeshe abandi bagufasha gushaka umugiraneza kuko burya abantu tubereyeho gufashanya