Yanga nayo yivanye muri CECAFA isimbuzwa Azam

Ikipe ya Yanga Africans nayo yatangaje ko itazitabira irushanwa rya CECAFA rizatangira kuwa gatanu w’iki cyumweru, umuyobozi wa FERWAFA yabwiye Umuseke ko Yanga yahise isimbuzwa ikipe ya AZAM.

Nzamwita Vincent De Gaule uyobora FERWAFA yavuze ko ikipe ya Yanga ifite ibibazo byayo ukwayo ariko kandi yanashyiraga amananiza ku bategura iri rushanwa kugirango yemere kwitabira.

Umwaka ushize nabwo ikipe ya Yanga yanze kwitabira iri rushanwa rya CECAFA y’amakipe, nubwo mu 2012 yari yageze ku mukino wa nyuma igatsindwa na AZAM.

Nzamwita ati “ Muribuka ko n’ubushize muri Sudan yanze kwitabira ku munota wa nyuma, ubu rero yahise isimbuzwa Azam.”

Yanga Africans ikinamp Haruna Niyonzima, Flambeau de l’Est y’i Burundi na Cofee FC yo muri Ethiopia zimaze kwivana muri aya marushanwa azatangira kuwa gatanu kuri Stade Amahoro na Stade regional i Nyamirambo.

Paul NKURUNZIZA
UM– USEKE.RW