V/Perezida wa Kenya yariye ubugari muri restaurant iciriritse cyane

CHIEF EDITOR
05/30/2016

William Ruto (wambaye ikoti ry’ubururu) n’abadepite babiri na Guverineri w’Intara muri restaurant barya ubugari

Visi Perezida wa Kenya William Ruto kuri iki cyumweru yatunguye abantu ubwo yahagararaga ku muhanda ari kumwe n’abandi bayobozi bageze ahitwa Maili Tisa bajinjira muka’restaurant’ gaciriritse cyane baka ubugari n’inkoko.

Visi Perezida yinjiranyemo na Guverineri w’intara ya Uasin Gishu n’abadepite batatu barimo umugore umwe, maze bituma abantu benshi baza kureba ako gashya muri aka ka’restaurant’ kubakishije ibyondo.

William Ruto yaganiriye n’abaturage ababwira ko yahagaze hano akarya ariko aniyibutsa ko nawe ariho yahereye mu buzima butoroshye acuruza inkoko.

William Ruto yabwiye aba baturage ati “Buri wese akwiye gukora cyane. Cyera nacuruzaga inkoko hano ariko umuhate wanjye watumye mbasha kwiyubakira Hotel i Nairobi ncururizamo inkiko.”

Muri iyi restaurant bariye ibiryo by’amashilingi 300 ya Kenya (hafi 2500Rwf) banishyurira abandi ba’clients’ basanzemo 10 000Ksh.

Umwe mu bahoze ari abasirikare ngo yasekeje abantu cyane ubwo yabwiraga abantu ko ashaka kwishyurira iri funguro Visi Perezida.

Ruto aba baturage yababwiye ko Leta yabo ubu iteje imbere amasomo y’ubumenyingiro (harimo n’ayo kwakira abantu neza) kugira ngo urubyiruko rwinshi rubashe kubona akazi.

Muri iyi Ntara bakaba ngo bazahubaka ishuri rigezweho ry’ubumenyingiro.

UM– USEKE.RW

8 Comments

daa says:
05/30/2016 at 14:07

Yooo mbega byiza!!!!

Aime Ndorimana says:
05/30/2016 at 14:31

Urugero rwiza cyane

VAVA says:
05/30/2016 at 14:52

nisawa burya gusubiza amaso inyuma nibyiza bituma wicisha bugufi naho wabikoze nabi ukisubiraho

james says:
05/30/2016 at 15:37

imana imuhe umugisha rwose kubwo kwicisha bugufi

Mbakebure says:
05/30/2016 at 16:12

Byari byiza iyo tuza kuba dans le plus beau des mondes. Ariko turi mu isi iteye nabi irimo amayeri ahanitse, ubugome bwinshi n’ubwibone bukabije. Ariko, well bravo to him for at least one aspect: the electorate.

Umulisa says:
05/30/2016 at 19:23

Eeee, ngo amazi arashyuha ntiyibagirwa iwabo wa mbeho. Ni bake bakora ibi. Imana izakomeze imwongerere. Nk’uyu niwe umuntu w’ibibazo atera shida agahita aguha kuko yibuka ko nawe yigeze kugira ikibazo nkicyawe, Ntubona se ko anateruye isahane ngo asome agasupu. Haaahaa ndabibonye nibuka uko mbikora nanga ko isigara kw’isahane igapfa ubusa, aho aba serveur baza kwandurura bagahita bayimena muri poubelle kdi bakayirunze mugisorori kimwe maze bakaza kuyiha abashonji, iyo supu hamwe n’ibindi biryo biba byasigaye kumasahani bakabiha babantu baba bashonje bahora bahagaze kumihanda babara abahisi n’abagenzi batazi aho barya saa sita cga nimugoroba. He did a good example.