Volley: Bwa mbere ikipe yo mu Rwanda mu bagore igeze muri 4 za mbere muri Africa
Mu mukino wa 1/4 wabaye mu ijoro ryakeye muri Tunisia ahari kubera imikino y’amakipe yabaye aya mbere iwayo muri Africa mu bagore ikipe ihagarariye u Rwanda ya Rwanda Revenue Authority yaraye itsinze El Shams yo mu Misiri seti eshatu kuri imwe ihita ibona ticket ya 1/2.
Nibwo bwa mbere iyi kipe igeze kuri uru rwego rwo kuza mu makipe ane ya mbere ni n’ubwa mbere mu makipe y’abagore mu Rwanda bibayeho, RRA itozwa na Jean Luc Ndayikengurukiye yatsinze El Shams yo mu Misiri amaseti 3-1 (25 – 21, 10 – 25, 29-27, na 25-18).
Ni ubwa mbere bibaye mu bagore, bikaba ubwa kabiri muri Volley y’u Rwanda kuko mu 2005, no 2011 ikipe y’abagabo ya Kaminuza y’u Rwanda (yari ifite ibihangange nka: Ndamukunda Flavien, Kwizera Pierre Marshal,Yakan Laurence ndetse na Elie Mutabazi) nayo yageze muri 1/2 cy’iri rushanwa ry’amakipe yabaye aya mbere iwayo muri Africa.
Muri 1/2 Rwanda Revenue Athaurity women Volleyball Club (RRA WVC) irahura na Al’Ahly VC yo mu Misiri mu mukino wa 1/2 cy’irangiza ku mugoroba wo kuri uyu wa gatanu.
Undi mukino wa 1/2 Carthage yo muri Tunisia na Pipeline yo muri Kenya.
Roben NGABO
UM– USEKE.RW
3 Comments
courage mon ami JL
mukomeze ye
Njye numva mu mwanya wo kwandika amazina yabo basore bageze muri 1/2 mu mwaka wa 2011 mwari kwandika ayaba bakobwa(bagore)bahageze uyumunsi mubahesha ishema ryibyo bavunikiye.
Comments are closed.