US: Abantu 3 barasiwe mu nzu y’imyidagaduro barapfa, abandi 4 barakomereka

Polisi yo mu gace ka Torrance ahabereye  uku kurasana yabujije abantu kwegera inzu yitwa Gable House Bowl byabereyemo.

Abantu batatu byemejwe ko bapfuye naho abandi bane barakomereka nk’uko Polisi yabitangaje.

Polisi yatangaje ko yahurujwe n’urusaku rw’imbunda kuri iriya nzu yitwa Gable House Bowl, ngo byabaye ahagana mu gicuku ku wa gatanu.

Abari muri iriya nzu basanganywe ibikomere by’amasasu. Gable House Bowl, bivugwa ko ari inzu y’imyidagaduro aho abantu bajya gukina imikino yo kurasana ariko bakoresha imbunda z’ibikinisho, abandi bagatwara imodoka.

Polisi yatangaje ko abagabo batatu bahise bapfira aho kurasana byabereye. Abandi bagabo bane bajyanywe mu bitaro biri hafi bakomeretse.

Torrance, ni umujyi muto uri muri California, ku ntera ka Km 32 uvuye Los Angeles.

The Guardian

UM– USEKE.RW