“Umwana wanjye iyo mukingije arara arira,nabigenza nte muganga?”
Iki ni ikibazo gihangayikisha ababyeyi cyane cyane ababyaye bwa mbere, aho baba batiyumvisha ukuntu umwana akingirwa nyuma akarara arira,akanga konka,akamubuza kuryama n’ibindi.Ubu ni bumwe mu buryo wabyitwaramo;
Umwana iyo akivuka ntaba afite ubudahangarwa bw’umubiri buhagije, niyo mpamvu abashakashatsi bavumbuye inking umwana ahabwa mu mwaka wa mbere w’ubuzima bwe ku Isi, zimukingira indwara zikomeye kandi zikwirakwizwa mu buryo bworoshye nk’igituntu, kokorishi, akaniga,iseru….
Izo nkingo, kimwe n’ibindi byose bidasanzwe byinjiye mu mubiri, ugerageza guhangana nabyo (reactions).Akaba ariyo mpamvu ubona imihindagurikire imara igihe gito,itakagombye kugutera kwiheba.
Icyo ugomba kumenya ni uko izo mpinduka zisanzwe kandi zishira kandi urukingo rufite agaciro kanini ku buzima bw’umwana kurusha izo ngaruka agira.
Ingaruka z’inkingo zitakaguteye ubwoba:
- Ahatewe agashinge harabyimba,hagatukura,hakanababara.ibi bitangira nka nyuma y’amasaha 24 nyuma yo guterwa,bikaba byarangira nka nyuma y’iminsi 2 cyangwa 3. Ariko urukingo rwa tetanosi n’urwa akaniga byatuma bigera ku cyumweru bitarashira neza .
- Guhinda umuriro bitangira mu masaha 24 bikarangira mu minsi 2.Mu gihe ari urukingo rw’Iseru,umuriri ushobora gutangira hagati y’umunsi wa mbere kugeza kuwa kane nyuma y’urukingo.
Niryari ugomba kwitabaza muganga wawe
- Umwana afite ikibazo cyo guhumeka cyangwa kumira(swallowing)
- Ntabasha gukoresha ingingo ze(no movement)
- Ntabasha kubyuka
- Umuriro urenze 40 oc
- Kurira amasaha ageze kuri 3
- Umuriro urengeje iminsi 3
- Ububabare burengeje iminsi 3
Uko umwana yitabwaho:
- Shaka ikintu gikonje cyane ugishyire aho umwana bamuteye agashinge
- Ibinini bigabanya ububabare n’umuriro(paracetamol)
Hari ababyeyi banga kurangiza inkingo zose kubera ibyo bibazo,dore zimwe mu ndwara zafata umwana wawe wanze kumukingiza.
Mubyeyi menyako izo ngaruka ziri kumwana kubera gukingizwa zigaragaza ko urukingo ruri gukora, ariko niba bikabije nkuko twabibonye hejuru itabaze muganga wawe. Irinde kandi kutareka urukingo na rumwe kuko umwana wawe kandi wacu nk’igihugu yagira zimwe mu ngaruka zo kubura urwo rukingo ndetse n’urupfu.
Corneille K. NTIHABOSE
UM– USEKE.COM
English