Umutoza Niyibizi yasinye gutoza mu Amagaju FC

Souleyman Niyibizi watozaga ikipe ya Etoile de l’Est mu kiciro cya kabiri kuri uyu mugoroba wa tariki 17 Kamena yasinye amasezerano mu ikipe ya Amagaju nk’umutoza wungirije.

Niyibizi yabwiye Umuseke ko yasinye amasezerano y’imyaka ibiri, kandi atari kwitesha amahirwe yo gutoza mu kiciro cya mbere mu gihe amasezerano ye na Etoile de l’Est yo mu kiciro cya kabiri yari arangiye.

Niyibizi aje kungiriza umutoza Okoko Godfroid mu kwezi gushize wahawe amasezerano y’imyaka itatu mu ikipe y’Amagaju, umutoza ufite amasezerano y’igihe kinini kurusha abandi batoza mu kiciro cya mbere mu Rwanda.

Niyibizi yanyuze mu makipe ya Mukura, Intare FC, Amagaju n’izindi nk’umutoza.

Jean Paul NKURUNZIZA
ububiko.umusekehost.com