Kuri uyu wa 30 Nyakanga kugera kuwa 1 Kanama mu Rwanda hatangijwe ibikorwa bitandukanye bijyanye no kwizihiza umunsi w’Umuganura. Ibikorwa byatangiwe n’Umutambagiro ubaye ku nshuro ya mbere waturutse i Nyamirambo kuri Club Rafiki usorezwa kur stade Amahoro i Remera.
Mu mutambagiro wa none wahereye i Nyamirambo
Lauren Makuza ushinzwe iterambere ry’umuco muri Ministeri y’umuco na Siporo avuga ko uyu munsi wibutsa abanyarwanda guharanira kugira umusaruro mu rwego rwo kwigira.
Mu byagezweho ntabwo hamuritswe umusaruro w’ubuhinzi gusa nk’uko byari bisanzwe bigenda mu muhango w’umuganura.
“Twarategekereje dusanga ni ibikorwa by’abanyarwanda biri mu ndangagaciro z’u Rwanda niyompamvu twihaye intego yo kugaragaza n’undi musaruro w’abanyarwanda udashingiye ku buhinzi n’ubworozi gusa” Makuza Lauren
Mubyamuritswe kuri uyu wa 30 Nyakanga harimo iby’ikoranabuhanga, ubukorikori,ibitabo ndetse n’ibindi bikorwa bishingiye ku muco nk’ubupfumu, ububumbyi ndetse n’ibindi.
Umukambwe Karekezi Francois waganiriye n’Umuseke yavutse mu 1945 ubu atuye mu murenge wa Kinigi mu karere ka Musanze avuga ko ubu buryo bushya abona bushingiye ku iterambere gusa bikaba bihabanye n’umuganura wa kera wabaga ushingiye ku buhinzi no kwishimira umusaruro wabwo.
Ati“ Iyo wezaga amasaka ugasarura ukanika wayashyiraga ku rusyo maze ukenga Umusururu urimo umusemburo mwiza ugafata ibibindi nka bitatu ukajya kwa Sobukwe no kwa so ukababwira uti babyeyi narahinze dore agatsima mbazaniye, bahitaga baguha nk’umurima cyangwa inka bakakwifuriza kuzongera guhinga ukeza ndetse ukabona ibyo utanga”.
Mu Rwanda umuganura wari umunsi ukomeye kandi wubahwaga i Bwami no mu muryango Nyarwanda
Igihe uyu munsi watangiye kwizihizwa mu Rwanda ntakizwi nubwo hari abavuga ko watangiye kwizihizwa ku ngoma ya Ruganzu Ndoli abandi bakavuga ko wahanzwe na Gihanga Ngomijana wahanze u Rwanda.
Umuganura wayoborwaga n’abami n’abiru. Umwiru w’Umutsobe wo kwa Rutsobe rwa Gihanga niwe wayoboraga umuganura.Ibi byakorwaga abanyarwanda bishimira umusaruro bagezeho ku mwero w’amasaka.
Uyu mutambagiro w’uyu munsi wari ugamije kwereka abantu aho bari muri Kigali ibi bikorwa byagezweho, hazakurikiraho umuhango wo kubyukurutsa i Nyambo i Nyanza mu Ntara y’Amajyepfo ndetse n’umunsi nyir’izina w’Umuganura uzizihizwa tariki ya mbere Kanama 2014 mu gihugu hose.
Umutambagiro wari urangajwe imbere na Band ya PoliceAha ni mbere gato y’uko utangira kuri Club Rafiki i NyamiramboImodoka irimo insina yari ateguwe nko kumurika ko heze urutokiBand ya Police imbere itangiza uru rugendoMuri iyi band harimo umugore/umukobwa witwa Uwase ukubita ingoma nini injyana ikaba injyanaUmutambagiro warimo abamotari benshiIntero y’uyu muganuraAha bageze ni i Nyamirambo ahagana kwa NyiranumaBamwe mu bayobozi muri Ministeri y’umuco no mu nteko y’ururimi n’umucoAba bana bagendaga nabo berekana ubumenyi bungutseBamurikaga ibyo bakora n’ibyo bagezehoAbana bakora accrobatie bagendaga bashimisha abantuAba bana bagendaga berekana ibyo bashoboyeUyu mutambagiro ugeze rwa gati mu mujyiBagendaga bacinya akadihoAba bana nabo bagendaga bereka umukino bari kwigaIbikorwa by’ubukorikori byamurikwaga muri uru rugendoItorero ryagendaga rishayayaUyu yagendaga avuza umwirongiAbasaza bagenda bivugaBageze i Remera bakivuna sambweUyu musaza w’i Musanze aragenda avuza urutangoAha bageze kuri Stade Amahoro aho binjira muri stade ntoAlphonse S. Alphonse uyobora ikigo cy’igihugu cy’inzu ndangamurageMuri stade hari abamurikaga ibikorwa byabo bitandukanye birimo uduseke bikoreraImitako inogeye ijisho ishushanywa ku bitambaro yamuritsweBamuritse ubuhanga bwabo mu gukora amashusho anogeye ijishoUku niko urutara n’urusenge byabaga bimeze, mu rusenge bashoboraga kuhatara igitokiBerekanye kandi urusyo baseragaho amasaka ku mwero wayo ngo bashigishe ibigage banywe n’ibivugeIzi ni intonga bahunikagamo imyaka, imbere yazbo harambitse amahundo y’amasaka n’ibigoriMukamunana arerekana ubuhanga mu ‘nganzo’ aho bakaragira ibumba rikavamo inkono, ikibindi cyangwa ibyo bashyiramo indabo ubuUyu ni umucuzi werekanaga uko bakoresha umuvuba bashyushya icyuma ngo bagicuremo icy’umuhamaIyo ni intango y’amarwa ishinzemo za ‘ruvunabataka’ baterekaga abantu ku muganura bagasogongera bagatarama, uducuma twashyirwagamo urwangwa, naho za byeri ni iza vubaumuhanzi Mihigo na bagenzi be bataramiraga abari aha kuri stade i RemeraInkono za cyera abasaza basomeragamo umukuza bamaze gusoma ku marwa n’indakamirwa mu muganuraUbu ikoranabuhanga rirakataje abana barakirigita za mudasobwa zamuritswe uyu munsiItorero ryari aho rihogoza mu ndirimbo zo hambereAba bajeune baramurika ibihangano byabo bikoreraCyera ku muganura barishimaga, bagatarama, abana bagatera agapira, inanga zigacurangwa, imyirongi ikavuzwa, intore zikambara amayugi, icyembe kigacurangwa, inanga n’imiduri abantu bakishimira umweroLauren Makuza ushinzwe Umuco muri MINISPOC avuga ko nubwo bidashoboka ko u Rwanda rwasubira mu muganura nk’uwa cyera, ariko abanyarwanda bakwiye kwizihiza uyu munsi bishimira ibyo bamaze kugeraho ubu
English
0 Comment
Dore ibi ni byo bikungurira igihugu!! Muzasubire mu mateka murebe ibyo bakoraga ku Muganura!!
Dore re aho ubu se waba ungani ki ra?ubwo ibyo uvuze bihurihe n’umuganura ahubwo nibikurimo aho nturi Bangamwabo mbega mwa?
Unkumbuje urwanda
wawwww!!!!!!! mbega byiza!!!!! genda Rwanda uri nziza!!!!
mureke dukore umuco uko wakabaye nkuko umuganura wakorwaga cyera kuko murapirata mugakabya
kuko aya mafranga yakoreshejwe bategura uyu munsi mukuru nimenshi cyane nubundi umuganura wavaga mubyo abantu bejeje bakabisangira naho gufata abamotari ukabaha amafranga ugashaka amatorero ukayaha amafranga ngo aze kubyina ndumva ntacyo byaba bimaze rwose siko umuganura wakwijihijwe
Mujye mwibuka ko byose tubikesha Iyaturemye. Muhamagare abanyamadini baze baturagize Imana mubihe bili imbere kandi ariko banashimira ibyo tumaze kugeraho. Muzane n’abaganga n’abanyeshuri mbese buli rwego rwose noneho mwereke Imana muli stade muyishimire.
Comments are closed.