Umunyarwandakazi yakomerekeye mu bitero by’i Bruxelles, byahitanye 34…

CHIEF EDITOR
03/22/2016

Abakomeretse bashobora kurenga imibare ivugwa ubu

Inkuru iri kuvugwa cyane ubu ku isi ni iy’igitero cy’iterabwoba cyagabwe ku kibuga cy’indege cya Zaventem i Bruxelles, kugeza ubu biravugwa ko abantu 34 bapfuye na 92 bakomeretse. Mu bakomeretse harimo umunyarwandakazi nk’uko byemejwe na Ambasaderi w’u Rwanda i Bruxelles.

Guturika kwabereye mu kibuga cy'indege kigendwa cyane — Guturika kwabereye mu kibuga cy’indege kigendwa cyane

Ambasaderi w’u Rwanda mu Bubiligi Olivier Nduhungirehe yatangaje kuri Twitter ko mu bakomeretse harimo umunyarwandakazi wakomeretse ku kirenge. Gusa ntabwo yatangajwe imyirondoro ye.

Uyu munyarwandakzi ngo ni umunyeshuri, yahise ajyanwa kwa muganga kandi ngo arahita ava mu bitaro vuba nk’uko byatangajwe na Amb Nduhungirehe.

Ibitero ku kibuga cy’indege mu Bubiligi byahagaritse ingendo zose kuri kiriya kibuga cy’indege cy’i Bruxelles.

Biri kuvugwa ko ibi bisasu byaba byatewe n’umwiyahuzi ngo wabanje gusakuza cyane mu cyarabu mbere y’uko ibisasu biturika hafi saa mbili za mugitondo.

Kuri Twitter kandi Minisitiri w’Ububanyi n’amahanga w’u Rwanda Louise Mushikiwabo yatangaje ko bifatanyije n’Ububiligi muri ibi bihe. Anagaragaza impungenge kuko hari indege yagombaga kuva mu Bubiligi muri iki gitondo iza i Kigali.

Imyirondoro yose y’abapfuye n’abakomeretse ntabwo iratangazwa.

Abakomeretse bashobora kurenga imibare ivugwa ubu, uyu ni umwe muri benshi bakomeretse.

Aho igisasu cyaturikiye abarokotse bakizwaga n'amaguru — Aho igisasu cyaturikiye abarokotse bakizwaga n’amaguru

Photos/Twitter

UM– USEKE.RW

8 Comments

karangwa says:
03/22/2016 at 14:15

Sooo sad

Kalima says:
03/22/2016 at 15:53

Sorry for our citizen, ubwo ibigega bya peterol byakamye none bagiye gushaka impamvu bajya mu barabu kumugaragaro ngo bagiye guhiga ibyihebe! Ibitambo bya politike byo bizahoraho! utabazi yabaririra.
- kama nini says:
  03/23/2016 at 12:17
  
  nawe urumwicanyi kubera ivyo uvuze , uri kalima koko.

Aimable Mutangana says:
03/22/2016 at 16:39

Ni ukubeshya nta byihebe byateye ibisasu; ibi byakozwe n’inzego z’ubutasi za BELGIUM MU RWEGO RWO GUSHAKA KUJYA KWICA ABARABU.Mwibuke uko byagenze muri USA igihe bavugaga ngo OSAMA BIN LADEN yateye.Nyamara ni USA yari yiteye igamije kuzaajya kwica abarabu muli AFGANIASTAN

Umulisa Jeanette says:
03/22/2016 at 18:43

Uyu mumama yihangane, birababaje benshi turamuzi.
- YOH says:
  03/22/2016 at 19:21
  
  Niba mumuzi kuki mutavuga amazina ye. Ntimukabeshye.

Nkundabombi says:
03/22/2016 at 23:44

Yitwande,atuyehe ibruxelles yigahe…. Iyi nkuru uwayitanze ndumva yashakaga kwereka abanyarwanda ko twifatanyije nababirigi ariko iyo atatubeshya NGO hakomerekeyemo umunyarwanda utavungwa umwirondaro we

gahiga says:
03/23/2016 at 06:14

babitondere kuko mugihe gito namwe muzavomo ibyihebe.amagambo mabi ntacy,amaze.ahubwo muce bugufi musenge kuko isi irugarijwe.

Comments are closed.

Share this:

8 Comments