Espagne: Umunyamideli yaretse umwuga aba umubikira

Nk’umunyamideli, Olalla Oliveros yamenyekanye cyane muri Espagne mu mafoto, gukina filime, kwerekana imideri n’ibindi. Ubu yaratunguranye ubwo yabivagamo akajya kuba umubikira.

Ubu yambara imyambaro y’ubururu akaba ari ku rutonde rw’abenebikira bo muri saint Michael.

Yafashe iki cyemezo nyuma yo gusura abagore b’i Fátima muri Portugal.

Amagambo yatumye ahinduka ni ayo yasomewe avuga ngo “Umwami Imana ntajya yibeshya. Yambajije niba niba nzamukurikira,  sinahakana.”

Oliveros w’imyaka 36 ngo yumvise umutingito muri we n’aho hantu bituma adashidikanya ko ari Imana imuhamagaye, ubu ntakitwa Oliveros nk’akazina azwiho cyane ahubwo yitwa (Sœur) Olalla del Sí de María.

Uyu mubikira nyamara yagaragaye ku byapa bitandukanye muri Espagne, agaragara muri za Cinema no mu myiyerekano yo kumurika imideri none ubu yibera mu buzima butagaragara kenshi bw’ababikira badakunze kwigaragaza cyane muri rubanda.

Siwe wa mbere ariko kuko ngo no muri Colombia umukobwa wari waramamaye mu kwamamaza imideri mu 2005 witwa Amada Rosa Pérez yabivuyemo akerekeza mu kibikira.

Joselyne Uwase
ububiko.umusekehost.com