Umumotari azaparika he muri Kigali? niko bibaza

Mugihe abamotari bakorera mu mugi wa Kigali binubira uburyo bafatwa na polici y’igihugu mugihe bahagaze ngo umugenzi yururuke, Polici y’igihugu ishami rishinzwe umutekano wo mu muhanda iravuga ko abafatwa ari abatubahiriza ibyo basabwa bityo bagafatirwa ibihano.

Bamwe mu bamotari bavuganye twaganiriye ntibasobanukiwe n’ibijyanye naho bakwiye guparika.

Bavugako batigeze basobanurirwa igituma banyagwa moto zabo, bamwe muri bo bahisemo kuterekeza iyo mu mujyi kuko ariho bahurira n’ibi bibazo cyane kurusha ahandi.

Uyu mumotari utashatse ko izina rye rimenyekana ati: “Kugera kwa Rubangura ugasanga niba mpagaritse umuntu kuri Virunga,kuri station se wenda cyangwa kuri banki runaka ngo aha nihemewe, bakahamfatira moto, nibatubwire niba badashaka ko dukorera mu mujyi tubimenye”

Cheif spt Celestin Twahirwa avugako abakorera mu kajagari bose batazihanganirwa, dore ko umubare w’abamotari bakorera mu mugi wa Kigali umaze kuba munini. Gusa yibukije ko utafatiwe mu ikosa nta kibazo ahura nacyo.

Chief spt Twahirwa kandi arasaba amashyirahamwe y’abamotari kugira uruhare mu kugenera abamotari aho baparika (iseta) mu rwego rwo guca akajagari.

Ati : “Usanga rimwe na rimwe hari abamotari banyuranamo hagati y’imodoka,baca iburyo n’ibumoso kuburyo bashobora guteza impanuka.”

Tubibutse ko amwe mu makosa akorwa n’abamotari mu muhanda harimo gutwara abagenzi barenzi umwe nk’aho usanga umumotari atwaye umubyeyi uhetse umwana, kuba nta casque yambitse umugenzi,g uparika ahatemewe n’ibindi…

Claire U
UM– USEKE.COM