Ubukwe muri iki gihe ni ugutera inda mbere!? Birababaje
Muraho neza,
Ndi umubyeyi w’imyaka 53, hashize imyaka micye ntangiye kubona ko ikibazo cy’abana baterana inda bikaba ngombwa ko bashyingirwa imburagihe cyangwa batarabitegayije kigenda gifata indi ntera mu Rwanda, bimaze kugera iwanjye nifuje gusangiza urundi urubyiruko inama nagiraga umuhungu wanjye na mbere y’uko ibi bimubaho ngo nibura rugire icyo ruhindura.
Mbere numvaga ari ikibazo koko, ariko nkumva bitandeba cyane nubwo bwose nanjye nari mbyiruye inkumi n’abasore babiri.
Muri iki gihe ubukwe bwinshi (cyakora si bwose) umukobwa akunze kuba yatewe inda. Ibi ndatekereza ko n’abandi mubibona, kandi mubibonamo ikibazo.
Reka yenda mbanze mbereke ikibazo kibirimo kugira ngo muze kunyumva neza:
Gusambana icya mbere ni icyaha, niba utanemera Imana, nibura emera ko uba utemererwa n’umuco nyarwanda gusambana utarashaka.
Iyo ukundana n’umukobwa mugasambana, ni gacye cyane umubwira ko ushaka kumutera inda mukabona kubana, ibi niba binabaho bigategurwa gutya si benshi babikora, abenshi ubukwe ni option itunguranye, ndetse rimwe na rimwe cyangwa ihatiwe n’imiryango.
Imibanire yanyu iba izazamo ikibazo kuko muba mubanye kubera iyo mpamvu y’uko mwateranye inda. Hari ubwo muba mwararyamanye urukundo rwanyu rutarashinga imizi mugaterana inda mukabana huti huti gutyo.
Mu rugo haba ibibazo byinshi, byihanganirwa gusa n’abafitanye urukundo rukuze kandi ruhamye, nk’umuntu mukuru simbona ko abana b’imyaka 26, 27 babanye huti huti batanguranwa n’imvutsi mu buzima bw’iki gihe bashobora guhangana n’ibibazo byo mu rugo, imibanire n’ubuzima bw’amaraha buri hanze aha. Ibi bireba abakire, abaciriritse n’abakene.
Aha nagerageza kubera ikibazo gusa, ingaruka zacyo zo murazizi. Za divorce muri kumva hanze aha ngo ni nyinshi, ubu ahubwo ntakaraba mu myaka 10, 15 ziraba ari zo zigezweho cyane. Abana bahinduka ibiburaburere.
Nimwumvire abakuru, musubire ku muco
Abana (ugifite umubyeyi ahora ari umwana) mu muco nyarwanda bumvira ababyeyi, biratubabaza cyane kubona ubwira umwana akagusubizanya iry’inani, agashaka ko mucyocyorana, juste ku bintu bijyanye n’ubuzima bwe gusa umugiriyemo inama.
Umuhungu wanjye agifite imyaka 22 namusanze mu cyumba cye areba pornography kuri laptop, nyuma y’igihe gito yatangiye kubura ingeso zo kujya mu tubari akararamo ari muri kaminuza, ayirangije abona n’akazi, ajya kwibana muri twa tuzu duto ngo arashaka kuba umugabo ngo akanegera akazi, byarumvikanaga.
Gusa muri iyo myaka yose y’ubugimbi namugiraga inama kenshi nkamubwira ko imyitwarire ye imbere y’abakobwa yahinduranyaga ngo ni ba Cherie be izamugiraho ingaruka, ibi nanabibwiraga bashiki be nabo benda kungana.
Nabasabye kwitwararika no kurinda imibiri yabo, bigera aho nshira isoni nk’umubyeyi kuko nabonaga bikabije, nzana udukingirizo mbigisha uko badukoresha mbasaba nibura kujya badukoresha mu ngeso mbi nabonaga badukanye. Cyera ibi nta mubyeyi wabitinyukaga ariko ubu turabikora. Ikitubabaje ntimubyumve.
Bana nimureke kwishora mu maraha ngo ni ibigezweho, bana nimureke kwishora mu busambanyi ngo ni uburenganzira bwanyu, bana nimureke gukoresha imibiri yanyu ibiteye isoni kuko si umuco wanyu, turabahana turabahanura kuko ingaruka ni mbi ku isi na nyuma y’urupfu. KUKI MUDASHAKA KUMVA KOKO?
Umuhungu wanjye yateye inda umwana w’umukobwa ntari nzi, bukeye aramunzanira ati ‘dore fiancée’ ati kandi dufite ubukwe mu mezi atatu ari imbere. Umutima uhita umbwira uti ‘dore icya mbere wari urindiriye’
Yego ubukwe bwarabaye, imiryango irasabana ibintu biba byiza, nk’uko n’ahandi muri iki gihe biri kugenda, ari ko se!! Ingaruka ntizitinda.
Simbivugiye ko umukazana ubu yatangiye kuza kundegera umugabo we ko amunaniye nyuma y’amezi umunani gusa n’umwana w’amezi macye, ndabivugira ko nubwo bwose bamarana imyaka myinshi hari igihe bazananiranwa kuko nta rukundo rwabo ruzwi, yaba mu bantu yaba no mu ijuru. Ibi niko byifashe mu makwe menshi. Urukundo rwabo ruzwi yenda ni amajoro y’ubusambanyi n’utubari bararamo. Ngibyo ibyo muri gutwicazamo ababyeyi ngo ni ubukwe.
Umuhungu ubu urugo ruri kumunanira kubera inzoga na ba fiancée ba cyera, si ukubera ubukene kuko bombi bameze neza bahembwa neza. Ndibaza uko byifashe mu bana bashyingiranwe gutya noneho bo banakennye.
Bana bacu bana b’u Rwanda nimwumve ibyo tubahana, mwishukwa n’isi n’imibiri ishyushye, nimutsinde icyo kigeragezo mube intwari mukomere ku busugi n’ubumanzi byanyu isi ishaka ko mutakaza mukangirika mu mutwe mugakora ibidasanzwe.
Nimutekereze ku gahinda n’isoni mutera ababyeyi banyu twicaye tubashyingira mukuriwe. Tukarenzaho tukamwenyura tugaseka ngo mwagize ubukwe bwiza ariko dushengurwa n’agahinda k’amabi ateye isoni mwakoze mbere. Nimugandukire Imana, ababyeyi n’u Rwanda, nimwumve ibyo tubahana.
Bana bacu turabakunda namwe nimuduheshe ishema, n’abadafite ababyeyi nimwiheshe icyubahiro munagihe abanyu batakiriho.
Ibi mbibasabye mbingiga kandi mbabaye cyane
Alphonsine M.
English
36 Comments
Alphonsine wari ubagiriye inama ni uko ngo ‘ Umusore umuhana avayo, utamuhana ajyayo!”.\
Birarenze byo ibiba muri iki gihe kandi nk`uko uyu mubyeyi abivuze ari abasore, ari abakobwa abenshi ntibagitinya SIDA yewe n`izonda zihubukiyeho!! Uzi ubukwe butunguranye n`inama zabwo badutumiramo byose ngo babyiteze ku ntererarano! Ugasanga umusore nyuma yo gutanaga invitations inama z`ubukwe zitangiye nawe agahoza ku nkeke ahamagara abantu yahaye invitations nk`ubishyuza intwererano nk`aho ari ikiguzi cg ideni umuntu aba abarimo!!
Mubyeyi, rwose impungenge zawe zirumvikana,kand n’impanuro zawe ni nziza;nyamara ikibabaje ni uko ba nyirukubwirwa nta commentataire bari butange hano, nyamara iyo iza kba ari inkuru politique bari guterana amagambo ar uruhuri.
Uravunikira ubusa wa mubyeyi we none se niba ari umuco w’uburaya wadutse mu rubyiruko uragira ngo bigende bite ,akan k’agakobwa karajya gusura ak’agahungu mu kiruhuko cg week end kagende kiteguye ko basambana ahubwo agahungu nikihangana ntibibe umukobwa yibarize!!!!!!Buri weekend haba hari urujya n’uruza rw’abakobwa ku materefoni no mu mamodoka :ndaje mu kanya,ngwino umfate ndi …,umva nambaye ijipo y’umukaran’….,mbabarira nzaza ejo Buriya bukwe bwose dusigaye mu madini hafi ya yose baba barabirangije!
Urakoze cyana kubwizo mpanuro mubyeyi wacu
Isi ifite imbaraga ariko uwayitsinze arahari,, bityo nitumwisunge aturokore
aba basore ni,inkumu nibisubireho.
Ariko murasekeje koko! ubu rero mwihaye urubyiruko ngo nirwo ruterana amada? Abakuze se bo barongora abana bahiye ko mutabavuga? ubundi iyo umusore n’umukobwa baryamanye mbere yo gushakana bakumvana uburyohe, bakareba ko babyara, umuhungu akareba ko umukobwa anyara, ndetse n’umukobwa akareba ko umungu azi kurongora bieen nibyo sawa. erega mujye mwibuka ko amajyambere akataje kandi imico irahindagurika. ubu nihaza marriage par contract uzasanga abantu byabatangaje ngo ye baba, kandi iyo marriage ariyo nziza. Mugasezerana n’umugore cyangwa umugabo wawe nka 2ans zashira mukiyongeza cyangwa se buri wese agaca ukwe bitewe n’uko abishaka. ubu se kera cyane ko abantu batari bazi kwambara, mubona ubu abantu batambara neza? Iyi ni evolution, ntangorane kabisa…
Shahu rero nubwo ari igitekerezo urajye witonda. Akariro gacye na feri. Ubwo rero urumva ari amajyambere ! Eh… ababyeyi baguhanure nawe uzane ibyo ! Noneho na sida ni amajyambere cyangwa ntuzi aho bigeze ? Wenda se ntunazirikana impamvu imana yabibuzanije. Umvarero nkubwire ibyuko abakuze bafata utwana cyangwa ibindi wivugira bisa naho kuri wowe bifite ishingiro uzabibazwa k’umunsi w’amateka kandi ntabwo uzitwaza ibibi abandi bakoze ngo bikubere excuses. Wabyitondamo rero ntubikinishe.
kinwakingunzu nyine
@Kinwakingunzu: kuri wowe successful marriage = gukora imibonano k’umuhungu (male) n’umukobwa (female) bikaryoha? Dans ce cas, les animaux se marient aussi, les prostituees se marient presque tous les jours, etc. What a heresy!
“For I hate divorce!” says the LORD,..NLT Bible.
Biteye ubwoba ubwo Imana ari “Urukundo”, igera aho ivuga ngo yanga “Gutana”.
Niba koko urukundo ari kuryamana(relationsexuel), bigaragara ko ntawarusha urukundo indaya ariko uzagende uzibaze…
cyakora iyo biba inkuru ya politiki abantu ubu baba bari gucicikana batanga ibitekerezo ! erega wa mubyeyi we birababaje ariko ngo niyo majyambere isi igezemo !! cyakora Imana iguhe umugisha ku bw’impuhwe ufitiye urubyiruko rw’u Rwanda !
Yooo mubyeyi nanjye unteye agahinda ,isi dusohoyemo iraruhije nukuri kereka amaboko y’Imana Isumba byose yadutabara,wowe ugira amahirwe ko nta sida arazana akayikongeza umukazana ubundi ukazarera imfubyi,bagenzi ntibyoroshye
Abantu bubu bafite ikibazo kimwe isi yarahindutse ntimukagereranye urubyiruko rwo muri za 60 hamwe nubu. Ibiri mu rubyiruko ubu ntakibazo namba biteye kereka iyo uri injiji ntukoreshe condom cg birth control ku bakobwa. Umwanzuro: muve ku mitekerereze ya kera mutekereze nk’abari muri 2015.
Mubyeyi ihorere uwo ni umugambi mubisha satani afitiye abantu ariko jye ndagira inama abantu cyane cyane urubyiruko kuko umuti benshi banga kunywa niwo wamvuye urukingo benshi basuzugura nirwo nanjye nirinze mubusore kugeza nubantse nkiyubaha nimube muri YESU neza abantu bige gutinya IMANA kuruta indwara ninda bange ibi ngiyo intwaro nzima naho ibindi ni ubusa.
Nubwo isi yahinduka amajyambere akaza,ntibikwiye gukuraho umuco wo kwiyubaha ndetse mo gutinya Imana.ibyo ndabivugira abihaye kugaya inama zuyu mubyeyi Bamubwira ko isi yahindutse nkaho we atabizi!!
Nah ubundi urubyiruko twabaye nkabasazi,ntawugishaka kumva inama zababyeyicg abaturuta.
Birakwiye ko twisubiraho d apres tout ingaruka nitwe zizaho iyo dutwaye iza nda,tukubaka ingo zitunguranye zikanatangira kutunanira nta gihe ziramara kuko twananiwe kwihamgana ndetse tukanafata imyanzuro duhubutse,ntibagiwe na Sida iri hanze aha.
Kd nibwira ko abo bibaho har aho bagera bakicuza inama zababyeyi banze gukurikiza.
Twumvire ababyeyi rubyiruko,burya irya mukuru riratinda ntirihera.
murakoze
Vision 20 20 tuli kuyisatira no mû rubyiruko
yewe ndabona ari hatari ahubwo ruzageraho tubaze imana impanvu yaremye igituba n’imboro
Nubwo isi yahinduka amajyambere akaza,ntibikwiye gukuraho umuco wo kwiyubaha ndetse NO gutinya Imana.ibyo ndabivugira abihaye kugaya inama zuyu mubyeyi Bamubwira ko isi yahindutse nkaho we atabizi!!
Urakoze mubyeyi mwiza,dukeneye impanuro nkizi abakiri bato.mwe gucika intege mukomeze kwigisha ni uguhozaho. na LETA yarikwiye gutanga umusanzu ugaragara mu gukumira icyi cyorezo kigiye gusenya umuryango nyarwanda.murakoze cyane
Inama z’ababyeyi simbi ku rubyiruko ahubwo icyo tuzinenga ni kimwe. Ntago zijyanye n’igihe tugezemo
None se kurongorana hali ingorane? Ahubwo bajye Bambara udukingirizo. Bazashyireho za marriage zigihe gito kugirango ababana nibajya bamarana igihe bakumva barashaka gutandukana bajye batandukana buri wese yishakire undi mukunzi. Nkuko dukenera kurya ninako abantu bakenera kurongorana. Iyo ni besoin primaire. Kandi kubyara ni umugisha, ni urukundo ruba rwigaragaje. Bakobwa namwe Bahungu mumenye ubwenge!
Urakoze wa mubyeyi we! Byambayeho mfite Imyaka 27 biranyangiza aliko na n ubu imyaka 4 hafi 5 sindabasha kwisuganya. Kandi uburyo byankomerekeje ntabwo ari ibintu bizapfa guhanagurikaAliko muri iyo ntambara byarangiye menya Imana ubu maze gukizwa nibwo mbona ubunini bw ikibazo cy ubusambanyi nta kirazira yamaze gufata intera birababaje kuburyo ur ashobora kwiyumvisha iyo ureba aho isi ijya. Tujye
Mwese muravunwa n ubusa. Aho kwica Gitera ica ikibimutera.
1.Mubyeyi niba ubu nta muranga urubyiruko rucyemera, kandi hafi ya bose ntakundi bizagenda, ingo zizaba kuliya.
2.Kuba Leta yemera ubureshye muri byose ngo 50% byakuyeho umuyobozi w urugo. Ibaze society iyobowe n imitwe 2. Ninkaho igihugu cyagira abami 2.
3.Noneho urebe hanze aha: ese ababyeyi bagomba gutanga urugero bameze bate mungo zabo? Urubyiruko rurabona imico mibi cyane mu bakuze kandi ntibahanwa.
Twageze mukigare karabaye, ahasigaye ni aha Bikiramariya n Umuhunguwe.
Ibyo n’ukuri kdi intore isimbuka uko yatojwe ibi n’ingaruka z’ababyeyi gito abana bararengana abagabo babaye nka ba Gashyende mungo zabo bahisemo guceceka ngo ngo baringanire (kwirinda ngo ihohotera da) abagore nibo bigirwagaho urugero ?!nimurebe uko bambaye,bataha ryari,bafite izihe ndanga gaciro kiriziya imaze guca kirazira!? abagabo nabo ngo barihimuye bakirukira mumicuko ingana nabo basize iwabo?! abagore basubiye kurambagizwa nabangana nimfura zabo yewega watsup na feacebook ntaho tujya agahugu katagirumuco karacika nimusenge
Kurubu utamuteye inda ntimwanashakana kuko nabakobwa basigaye batega abasore inda icyombona abakombwa ntibagira gihana ngaho kumbuga za enternette umukobwa asiga yiyambura imyendayose agashira iamafotoye kumbuga zitandukanye gusa nsabiye abasore bagerekaho inda zitarizabo arizabandibagabo bakuze gusa IMANA NITABARE
ubwo se umukobwa ukora ibyo , ukamutera inda warangiza ukamurongora sinko kuvomerera igiti cyakorwamo uburozi ubizi! uziko igiti gifite ibibabi bishobora kurangiza umuntu, warangiza ukabyuka ukivomerera!. nawe uba urumwicanyi!!
Mama wacu urakoze kuduha impanuro Imana iturengere kuko satani afite imbaraga nyinshi mukutuyobya ariko duhumure Yesu yaranesheje
imirongo ibiri, inama yawe ukaba urangije kuyitanga uh???message yawe uyerekeje kuri yesu kandi nyamara nabonye abarokore iyo baguye mu cyaha cyubusambanyi aribo bahhura ningorane zikomeye!!!
YESU MUPFA IKI?
“Bana bacu bana b’u Rwanda nimwumve ibyo tubahana, mwishukwa n’isi n’imibiri ishyushye, nimutsinde icyo kigeragezo mube intwari mukomere ku busugi n’ubumanzi byanyu isi ishaka ko mutakaza mukangirika mu mutwe mugakora ibidasanzwe.”uhhh! urakoze cyane kugira abantu inama.
Icyo nshaka kukubwira niki
_ababyeyi babanyarwanda ntibavuga, ntibigisha abana babo ubwenge hakiri kare kuva na kera kugeza ubu Ni ” nature yigisha abana babanyarwanda. Kera nature yarikiri nziza koko yashoboraga kukwigisha, none yarangiritse!!!! so babyeyi namwe mushyiremo akabaraga muhangane na technology itoroshye!! ibangutsa ibibi nyose
Ikindi , wavuze uti , umuco wabanyarwana ntiwemerera abantu kuryamana batarabana. ibi biri kugenda binanirana, tukigana indi mico cyane cyane cyane cyane twibeshya ko ngo arimico igezweho nkiyabazungu!!!!
mu byukuri abazungu bazima, bafite ubwenge, ibitekerezo nkibyawe nabo barahangayitse nkuko uhangayitse. bahangayikishijwe nabana babo. Gusa icyo nabonye mu bazungu, burya habamo classe zitandukanye!!! hari abazungu bafite umuco(poli) hari nabandi byayobeye!! niyo mpanvu mpora mbwira abantu nti mbere yo kwigana abazungu!, banza umenye abo uri kwigana ari bande!!!!kuko mbona abiyubashye ntaho umuco wabo utandukaniye nuwabanyarwanda! ndetse hari umuzungu uherutse kumbwira ati nuramuka ubonye umu copin wumuzungu, ntuzaryamane nawe ataraza kubonana nababyeyi bawe!!!! so tumenye abo twigana ari bande!
ikindi, abazungu mu muco wabo burya baryamana bakundanye, urukundu ruhamye!!!!, bakabana batarakora ubukwe ariko mu rwego rwo kugirango babaze bubake ubuzima bwabo ariko urukundo ruba ruhari. naho ibyiwacu! no kubisobanura birandenga!!!!!
Abakobwa ba hano mu mujyi iyubabonye ukuntu bameze nukuntu baba bambaye ubona nta kindi kiba kibagenza usibye gukurura abahungu.Mujye mutubabarira rero nta kundi twabigenza usibye kubasambanya kandi akenshi usanga aribo babishaka kuturusha.
USHOBORA KWIBESHAYA NGO WARAYIMUTEYE NYAMARA UGIYE KURERERA ABANDI. MWICECEKERE bahu!!!!!!!!!
Sodomu na Gomora hajya kurimbuka icyaha cyari gikabije cyari icy’ubusambanyi; Njye ndubatse kd ndacyari muto ariko abari kuvuga ngo ni amajyambere muvuge ibindi kuko haracyari abatiyandarika kd bajijutse; Gusa rubyiruko ugira Imana abona umuhanura,nyabuneka muve mu iraha ry’akanya gato njya numva abantu bavuga ngo iyo urangije gusambana wibaza icyo ukoze bikakyobera ukicuza nyuma mu by’ukuri udasambanye ntacyo ubaye gusa mumenye ko mu gihe kidatinze hari Imana izabaza buri wese imyifatire ye.
Kuvuga ngo kera ntitwambaraga none turambara ukabigereranya ni ikibazo niba kwambara twese tubyemeranywaho gusambana nabyo tubyemere hoya Menya ko Gusambana ari icyaha imbere y’Imana ( Ntugasambane)
Waca mambo… Murabeshya cyane.
Kera cg hambere bidashyize kera cyane, umuco wariho, wari UBUPFURA-KIRAZIRA? ari naryo ryari idini ry’Abanyarwanda muri rusange. Kwera kw’Abanyarwanda kwari kujishishiye kuri KIRAZIRA. Kandi niko n’ubuyobozi bwari buri bushingiye k’umuco gakondo ari nawo uranga Abanyarwanda n’imitekerereze yabo. Kera Kirazira nUbupfura bigihabwe intebe, umuntu yagendaga yigengesereye mu bantu, niyo ybaga agenda wenyine yatambukaga yitonze ngo hato hatagira umubona nabi. Naho ubu ikitwa amashuri ari nawo muco w’abazungu, cyazanye byinshi birimo gusuzugura umuco wawe. Ukumva ko niba warize, uri igitangaza, kandi ntawaguhanura kubyo udashaka, kubera ko ngo wize. Aho abantu bagiye bater’imbere mu kwiga umuco niwo wahababariye, kandi abagiye bat’umuco inyuma, ubu batangiye gushishwa n’ingaruka zabyo.
Ubu, Urwanda rutuwe n’Abanyarwanda baturutse impande zose z’isi batahukana imico y’ahandi, ubu Abanyarwanda barasohoka bakajy’iwabandi, bagaruka gusur’igihugu bakagarukana imico y’ahandi.
Reka twoye kwitirany’ibintu, Urwanda mwitirira uwo muco wa GIPFURA wo hambere, aho mugira muti abana nta burere bakigira…
Muragosorera mu rucaca ba byeyi.
Urya munsi Abazungu binjiraga Urwanda, ubwo bahonyozag’ibirenge bwa mbere mu gihugu niwo munsi mubi Abanyarwanda babonye, gusumb’intambara barwanaga zikabica mbere y’uko baduka abo bazungu. Bamwe bati batuzaniye ubwenge. Okay… Ubu abazungu nabo icyo bise demokarasi cyarabasibye babura epfo na ruguru. Abaturage babo batay’umuco gakondo wabo, bahinduka nk’inyamanswa kubera ibyaha byinsi bakora, ngo ni liberité cg ubwisanzure.
Ubwo basenyaga Ubutegetsi bwariho bwa CYAMI, bamwe barishimye ko bitoreye ingoma mu ruteme, ariko ingaruka nizo nyinshi…
Za geocide zakurikiyeho, uburumbo bw’abayeyi n’abana bukurikiraho..
Ko mushyira abana mu majwi kandi, ubu ababyeyi aribo banyangeso mbi gusumby’abana?
UWIBA AHETSE ABA YIGISHA UWO MU MUGONGO. Ibyo abayeyi b’ubu bakora, abana baba babarora bitey’ishozi…
Nimureke ibihe by’imperuka bisohorere ku bantu. Biranditse muri bibilia ko abana bo mu bihe bya nyuma bazaba batey’ukundi kudasanzwe, nk’uku tubibona. Za leta zo kw’isi nizo zih’uburenganzira cg zikumira abantu bazo gukora ibyaha bishayishije. sinshatse kuvuga ko har’ibihugu bfit’amategeko akaze aho abaturage badakor’ibyaha, ariko nshatse kuvuga ko, leta zishatse guca ubwo burumbo zabica. Arabia Soudite Sudani, Ribya ya Khadafi, Somalia ko yabishoboraga? N’uko ari abayisilamu? Oya? Ahubwo n’uko bamenye ko kuvanga imico yabo niy’abanyamahanga cyane iy’abazungu ar’umwanda ukabije. Natwe reta ibishatse igahagurukira abasore n’abagabo bahinduye igitsinagore ibikinisho byahagarara.
Abana, abakobwa bajya mu bubari abasore barara mu mihanda basinze ngo baraye babyina muri NDARUMBIJE…
Nimureke Yesu aze akureho umwanda, birangire… Mubyeyi hora kurira, kuko natwe twararize turihanagura, uwo dutegereje ni Kristo ngo akureho uyu mwanda w’isi… Twasigariye kubona… Nonese uzabuza ute umwana kurora film za porno kandi agendana telefoni ifitemo ayo mahano. Agenda abirorera mu kiganza cye afatiyemo telefoni ye. Hora ni muceceke twagushije ishyano kubona isi ya none. Ariko abizera bakagendana n’UWITEKA bo bazakizwa ibihano bigiye kumanukira iyi si ya Sodoma.
AMEN.
Urakoze cyane mubyeyi ku bw’ izo mpanuro. Jye byambayeho, nagize amahirwe kuko n’ ubundi twari mu mishinga y’ ubukwe kandi twari twifashije tudateze ku nkunga, yewe ndetse na Sida twaripimishije , na groupe sanguin tuzizi. Ariko irari ry’ iminota , nako amasegonda rigatuma useba.
Ariko reka mbwire abo bitarabaho ko atari byiza namba. Iyo ukunda umubyeyi ntuba wifuza icyamubabaza. Uzi kubwira umubyeyi uti ndatwite none ubukwe bwari kuzaba mu kwa cumi n’ abiri twabwimuriye mu kwa karindwi? Wibaza uti ese mbimubwiye akagwa muri coma nabigira nte? Ipfunwe bitera se n’ ubwo wenda muri twe hari abatakirigira. Yewe bishobora no kuvamo trauma kuko nawe ubwawe wumva wisuzuguye kuko wabaye ikigwari n’ uwo munezero bamwe bavuga bashakira mu mibonano ntibazapfe bawugezeho. Jye ubibabwira namaze igihe numva umutima unkomanga ku buryo n’ iyo mibonano muvuga jye namaze igihe yarambihiye kubera ingaruka zayo.
Ariko rero igihangayikisha kuruta ni ukwibazo uko uzabasha guha uburere abana ubasaba kwirinda ubusambanyi kandi nawe utarabishoboye! N’ aho twaba tubanye neza ariko hari ibizatugora. Ni ukuri ntitugatekereze ko byoroshye. Umwana umunsi azambaza ati ariko ko mwakoze anniversaire ya mariage ya 20ans none nyuma y’ amezi ane, atanu,.. nkaba nujuje 20ans navutse ntuzuye jye nibaza icyo nzamusubiza.
Barumuna bacu jye nabagira inama yo kuumva izi mpanuro naho ubundi kurera twe bizatunanira pe.
Urakoze mubyeyi kuri izo mpanuro n’ ubwo bamwe tutazumvise hakiri kare.
Murakoze mama kutugira inama. but biragoye guhana uwahanutse kuko isi yarahanutse. buri wese yimenyeeeeeeeeeeee
Comments are closed.