Ububiligi bwakoze amateka buba ubwa mbere ku isi ku rutonde rwa FIFA

Bwa mbere mu mateka igihugu cy’Ububiligi cyafashe umwanya wa mbere ku rutonde ngaruka kwezi rwa FIFA buvuye ku mwanya wa gatatu ku rutonde ruheruka. Yabigezeho nyuma yo gutsinda Israel mu mukino wo gushaka ticket y’igikombe cya Euro 2016 bakinnye mu kwezi gushize. Ibi byatumye ku rutonde rwasohotse none rw’ukwezi kwa cumi gushize iki gihugu kiza imbere y’ibindi ku isi.

Ububiligi mu gikombe cy’isi giheruka bwagarukiye muri kimwe cya kane. Ubudage bwagitwaye kuri uru rutonde bwafashe umwanya wa kabiri hataho Argentine, Portugal na Chili yafashwe umwanya wa gatanu.

Muri Africa Cote d’Ivoire niyo yaje imbere y’andi makipe ya Africa iza ku mwanya wa 22 ku isi. Mu gihe igihangange mu mupira Ubufaransa ubu kiri ku mwanya wa 24.

U Rwanda ruri ku mwanya wa 96 rukaba rwasubiye inyuma ho imyanya itatu ugereranyije n’umwanya ruheruka mu kwezi kwa cyenda. Libya bizakina mu cyumweru gitaha mu guhatanira kujya mu gikombe cy’isi cya 2018 mu Burusiya, iri ku mwanya wa 113.

Ibihugu 10 bya mbere ku isi

1          Belgium
2          Germany
3          Argentina
4          Portugal
5          Chile
6          Spain
7          Colombia
8          Brazil
9          England
10        Austria

Ibihugu bya mbere muri Africa
22        Côte d’Ivoire
26        Algeria
30        Ghana
32        Cape Verde Islands
39        Senegal
41        Tunisia
51        Cameroon
52        Congo
53        Guinea
55        Congo DR
57        Egypt

Mu karere
68          Uganda
96           Rwanda
107        Burundi
114        Ethiopia
125        Kenya
128        Sudan
134        South Sudan
135        Tanzania
202        Eritrea
203        Somalia
207        Djibouti

UM– USEKE.RW