U17: U Rwanda rubonye amahirwe ya nyuma

Eugene Habyarimana arasimbura Michel Rusheshangoga

Imikino yahuje amatsinda A na B ku mugoroba yatumye u Rwanda rubona amahirwe yo gukomeza muri 1/8 niruramuka rutsinze umukino wa Canada uba uyu munsi saa yine z’ijoro.

U Rwanda rubonye aya mahirwe kuko muri buri tsinda (amatsinda 5) hazazamuka amakipe 2 ya mbere, hakiyongeraho 4 yabaye aya gatatu yitwaye neza, mw’itsinda rya mbere (A) rero nta ya gatatu yitwaye neza igaragara bityo mu matsinda 4 asigaye iza gatatu zizazamuka.

Imikino yarangiye gutya niyo yahaye u Rwanda amahirwe niruramuka rutsinze Canada:

Group A

Mexico 3-2 Netherlands

Congo 1-1 Korea

Group B

Japan 3-1 Argentina

Jamaica 1-1 France,

Iyi mikino yatumye mw’itsinda rya mbere ibintu bisobanuka kuko Ubuholandi na Korea zahise zisezererwa.

Group A

Team              Pld        W        D         L          GF       GA      GD      Pts

Mexico           3          3          0          0          8          4          +4        9

Congo                        3          1          1          1          3          3          0          4

North Korea 3          0          2          1          3          5          –2        2

Netherlands  3          0          1          2          3          5          –2        1

Aho amahirwe y’u Rwanda asigaye akaba ari ugutsinda umukino wa Canada uyu munsi bityo rukagaragara mu makipe 4 ya gatatu azaba yitwaye neza nayo abona tiket yo gukina imikino ya 1/8. Kuko rwahita ruhira amanota atatu asabwa mu matsinda ane yandi asigaye ngo ube uwa gatatu.

Tubibutse ko u Rwanda ruza gukina rudafite Faustin Usengimana (Imvune), ndetse na Michel Rusheshangoga ufite amakarita abiri y’umuhondo, bityo umusore witwa Eugene Habyarimana akaza gukina inyuma mu mwanya wa Michel.

U Rwanda rukaba rubonye aya mahirwe rutari rufite nyuma y’uko rutsinzwe na Uruguay, igisabwa ntakindi ni ugutsinda umukino wa  Canada gusa.

Jean Paul Gashumba

Umuseke.com