Tom Close agiye gushyira Album nshya hanze yise “ Komeza Utsinde”

Mu kiganiro yagiranye n’Umuseke.com Tom Close yatangaje ko vuba aha agiye gushyira hanze  Album ye shya yiswe” Komeza Utsinde”,   iyi album izaba igizwe n’indirimbo cumi na zirindwi (17).

Tom Close yavuze ko impanvu ataratangaza itariki azabikoreraho ari uko akiri gushaka abaterankunga batandukanye, gusa ngo yizeye ko ari mu minsi ya vuba.

Kugeza ubu Tom ngo amaze kumvikana na Company yitwa “Showtime Events” na “4real Promotion”

Tom kandi yadutangarije ko ari kwitegura gukorana indirimbo na Kidumu, umuhanzi wo mu gihugu cy’uburundi, iyi ndirimbo atadutangarije izina ngo kuko ikiri muri gahunda ikazasohoka mu kwezi gutaha.

Indirimbo ya Tom Close na Kidumu izaba iri mu Kinyarwanda, mu Kiswahili ndetse no mu Kirundi, kugirango abantu muri East Africa bayiyumvemo.

Ni ubwambere Tom Close azaba akoranye na indirimbo na Kidumu, iyi ndirimbo ikazatunganyirizwa muri Kenya.

Tuvuye kuri ibi, twabajije Tom ku bimaze iminsi bimuvugwaho ko agiye gushinga urugo n’umukunzi we Tricia, maze we ubwe atwibwirira ko iyi gahunda ayiteganya mu mwaka utaha ariko atarashyiraho itariki.

Daddy SADIKI RUBANGURA
UM– USEKE.COM