TNP babona Urban Boyz aribo bakwiye Best Group muri Salax Awards
Ubusanzwe iyo uhanganye n’umuntu ukemeza ko akurusha uba umeze nk’uwivanye mu marushanwa. Itsinda rya TNP ntabwo ryavuye muri Salax Awards aho riri guhatanira igihembo cya Best Group ariko abarigize baravugako babona abacyeba babo Urban Boys bagikwiye.
Mu mwaka wa 2012 itsinda rya TNP ryamenyekanye kurushaho kubera indirimbo nka ‘Ndamburiraho Ibiganza’ Ft Knowless, ‘Irindi Joro’ Ft Riderman, ‘Inama Yanyu’ Ft Jay C n’izindi.
Nubwo babona nabo umwaka ushize barakoze cyane, ariko Tracy umwe mu bagize iri tsinda yemeza ko ibyo bakoze ubu bitabaha amahirwe ahagije yo kwegukana igihembo cya Best Group bari guhataniramo n’amatsinda ya B Gun, Just Family, TBB na Urban Boys ari nayo aha amahirwe.
Tracy aganira n’Umuseke.com yagize ati « mbona Urban Boys ikwiye iki gihembo, usibye ko no mu bahanzi b’umwaka Urban Boys ishobora kucyegukana n’ubwo abahanzi nka AmaG the Black, King James, Kamichi na Mani Martin nabo batoroshye, gusa muri za Groups nubwo natwe turimo ariko amahirwe menshi ni aya Urban Boys. »
Kugeza ubu mu matora yo kuri internet ku rubuga rw’UM– USEKE.COM, muri Best Group Urban Boys iraza ku mwanya wa mbere aho ifite amajwi 7,003, B Gun ikaza ku mwanya wa kabiri n’amajwi 2,846, TNP ku mwanya wa gatatu n’amajwi 1,053, TBB ku mwanya wa kane n’amajwi 670 naho Just Family ikaza inyuma n’amajwi 545 mu majwi yose hamwe 12,117 amaze gutangwa muri iki kiciro.
Uyu musore yatangaje ko icyo bagiye gukora ari ukongera imbaraga muri uyu mwaka wa 2013 bagakora ibihangano bishya kandi binogeye abakunzi ba muzika kugirango uyu mwaka uzabe uwabo nabo.
Tumubajije aho kugeza ubu mu mezi abiri agiye gushira ya 2013 bageze bagera ku mihigo yabo, Tracy yavuze ko kugeza ubu bamaze gukora amashusho y’indirimbo yabo « Umufasha » bakoranye na AmaG the Black bakaba hari n’izindi bari gutunganya, ndetse bakaba bari kwiga ku mushinga wo kumurika Album yabo ya mbere.
Plaisir MUZOGEYE
UM– USEKE.COM
English
0 Comment
Bavuze ukuri urban boys yakoze neza kurusha izindi group nibintu bigaragara,ndetse namajwi yabakunzi babo arabyemeza!
ahubwo njyewe mbona abandi bahanzi bazafata ibihembo urban boyz yasigaje kuko tujye tuvugisha ukuri bariya basore barakoze,nkekako birino mubyatumye dream boys begura,baratinye sinabihisha
nibyo rwose uvuze ukuri
Dream boys wapi nta kigenda uretse discipline niyo barusha abandi, baririmba indirimbo z’incyuro gusa… ikindi umwaka ushize ntabwo bakoze cyane
ese ubundi batanze iyihe mpamvu yabakuye mu marushanwa???!!!
uvuze ukuri pe, urbon boys barakoze cyane
Best Afro Beat
Senderi International Hits
(43%, 6,719 Votes)
Kamichi
(21%, 3,345 Votes)
King James
(19%, 3,035 Votes)
Mico da Best
(9%, 1,470 Votes)
Elion Victory
(8%, 1,078 Votes)
T nawe senderi ndamuha amahirwe kuko mubona abarusha bose
Urban Boyz niGroupe nziza kandi yakoze cyane kuburyo bigaragarira kuri buri wese bakwiye IGIHEMBO
nibyo koko ndagarutse kuko ikigihe sicyokumva incyuro zinzika ahubwo nizo kwibyinira imyanzuro,ibitenge nibindi,ni suagger boyz kabsa
MAN MARTIN AGOMBA GUTWARA AWARD KUBERA KO YAKOZE CYANE
Comments are closed.