The Rock; arahari cyane ari gukina filimi yiswe “Hercules”

Dwayne Johnson uzwi cyane nka The Rock, icyamamare muri cinema nka Fast&Furious ndetse no mu mikino yo gukirana bya kizungu (Wrestling) agiye kugaragara muri filimi yitwa yitwa Hercules ikinnye mu bwoko bwa cinema z’amateka. Mu minsi ishize hari bamwe bakwije ibihuha ko yitabye Imana. 

The Rock w’imyaka 41, yatangaje abantu ubwo kuwa mbere w’iki cyumweru yageraga muri Australia nyuma y’urugendo rw’amasaha 22 n’indege, agahitira mu nzu z’imyotozo ngororangingo (Gym) guterura ibyuma.

Uyu mugabo akunda kwerekana amashusho y’umubiri we utangaje ukomeye cyane anyujije kuri Instagram, ubwo niwe werekanye iyo foto ariho akora siporo nyuma y’urugendo rurerure.

Ubu ari muri Australia aho ari gufatwa amashusho y’iyo film Hercules bitegura gusohora mu kwezi kwa karindwi uyu mwaka.

Mu ijoro rishyira kuwa mbere kandi nibwo yari yagaragaye muri Leta ya New Orleans (USA) atangiza irushanwa rya WrestleMania XXX, ari kumwe n’icyamamare muri iyo mikino Hulk Hogan na Steve Austin, uyu wamenyekanye cyane muri film yitwa Wanted. Aba uko ari batatu bafatwa n’abakunzi b’iyi mikino muri Amerika nk’ibyamamare birusha abandi bose muri Amerika.

The Rock ubwo aheruka gukirana mu irushanwa rya WrestleMania mu myaka ishize, nibwo baheruka kwinjiza akayabo ka miliyoni 72 z’amadorari ya amerika, umuhigo utaracibwa n’undi mukinnyi.

The Rock bivugwa ko akora imyitozo ikomeye cyane yo gukomeza umubiri we, we avuga ko ari umuntu usanzwe nk’abandi.

Mu mwaka ushize yatangarije EntertainmentTV  ati “ ntabwo ndi umuntu udasanzwe, gusa niha gahunda kandi nkahugira cyane kucyo niyemeje. Nawe mu buzima ujye witwara neza kandi uhugire gusa ku ntego yawe.”

ububiko.umusekehost.com