The Ben yageze i Kampala aho ataramira abaho muri iyi Week end

Umuhanzi The Ben yaraye ageze i Kampala mu ijoro ryakeye, aha ahafite ibitaramo binyuranye guhera kuri uyu wa gatanu saa mbili z’ijoro. Azava aha yerekeza i burayi abone gusubira aho asigaye atuye muri Leta zunze ubumwe za Amerika.

Mukanya saa mbili z’ijoro aratangirira ahitwa Auto Spa muri Kampala, kuwa gatandatu azakorera igitaramo ahitwa Pyramid mu gace ka Kansanga muri Kampala ku cyumweru azakorere igitaramo muri Atmosphere Club.

Akigera i Kampala mu ijoro ryo kuwa kane yahise atumirwa na bamwe mu bakunda muzika ye biganjemo abanyarwanda ngo baramukanye bishimane nawe.

Biteganyijwe ko nyuma y’ibitaramo aha muri Uganda azahita yerekeza mu gihugu cy’Ubusuwisi aho azakorera igitaramo mbere yo gusubira muri Leta zunze ubumwe za Amerika.

The Ben wageze mu Rwanda mu mpera z’umwaka ushize yahakoze igitaramo cy’imbaturamugabo ku bunani (1/1/2017) nyuma yakoze ibindi bikorwa binyuranye mu Rwanda, birimo n’ibitaramo yakoreye i Huye na Rubavu ku bufatanye na Airtel Rwanda.

The Ben ukora muzika ya RnB, ari mu bahanzi bakunzwe cyane mu Rwanda kuva mu myaka ya 2009 kugeza ubu.

Photos © Innocent ISHIMWE

UM– USEKE.RW