Stromae aje mu bitaramo muri Africa

Amaze kwamamara cyane, umubiligi Paul Van Haver muri muzika yabanje kwitwa Maestro, nyuma arahindura afata Stromae, mu minsi micye arakorera Concerr muri Africa y’abarabu muri Maroc na Algeria nyuma mu 20115 azamanuka no mu bihugu bya Africa yo munsi y’ubutayu bwa Sahara nk’uko yabitangarije JeuneAfrique. 

Stromae ategerejwe cyane mu bitaramo Lyon muri France, Montreal muri Canada, i New York, Seattle, Minneapolis, Los Angeles, Boston, Chicago, muri Amerika Vancouver, Toronto (Canada) n’ahandi mbere y’uko uyu mwaka urangira uhereye mu kwezi gutaha kwa gatandatu.

Icyakora mbere yahoo gato tariki 30 Gicurasi araba ari i Alger muri Algeria aho abantu barenga 7 000 bamaze kugura amatike yo kwinjira mu gitaramo cye, naho tariki 2/06/2014 akazaba ari i Rabat muri Maroc aho azaririmba muri Mawazine Festival.

Stromae umaze kwamamara bikomeye kubera indirimbo ze nka “Fromidable”, “Papaoutai” n’izindi ze zakunzwe cyane, yabwiye JeuneAfrique ko afite ikintu kinini kimuhuza n’umugabane wa Africa.

Uyu musore ise ni umunyarwanda wishwe muri Jenoside naho nyina wabanye nawe ubuto bwe bwose akaba umubikigikazi.

Asubiza ku kibazo cy’amateka n’inkomoko ye ati “Nabana nte n’icyo kintu ngomba guhangana nacyo kandi kigize igice kimwe cyanjye? Iyo bambaza niba ndi umuhutu cyangwa umututsi ntabwo nari kubasubiza. Nicyo kibazo abicanyi babazaga.”

Nubwo amaze kumenyekana cyane no kugurisha bikomeye ibikorwa bye, Stromae agaragara nk’utandukanye nk’uko byemezwa na JeuneAfrique, nta nzu z’igiciro gikomeye, nta jets privés agaragara nk’umuntu usanzwe.

Stromae yabashije kurenga imbibi z’amateka n’uruvangiritane rw’umuco n’indimi ubu Isi yose imaze kumumenya muri muzika.

Gahunda ye irambuye yo kuza mu bitaramo mu bihugu byo munsi y’ubutayu bwa Sahara ntabwo arayitangaza.

ububiko.umusekehost.com