Somalia: Urukiko rwahanishije uwari umunyamakuru igihano cy’urupfu

Urukiko rwa gisirikare rw’i Mogadishu, rwakatiye uwahoze ari umunyamakuru igihano cyo kwicwa nyuma yo guhamwa n’icyaha cyo kwicisha abandi banyamakuru bagenzi be.

Hassan Hanafi, ni umwe mu banyamuryango b’umutwe w’iterabwoba wa al-Shabab, yafatiwe muri Kenya muri Kanama 2014 ubwo yarimo atembera.

Urukiko rwategetse ko azicwa arashwe urufaya rw’amasasu.

Umushinjacyaha amushinja kuba yarishe nibura abanyamakuru batanu bari bazwi cyane muri Somalia kuva mu 2007.

Hanafi yiyunze na al-Shabab nyuma y’imyaka mike ishize agiye gukorera Radio Andalus, ifatwa nk’ikoreshwa n’izo nyeshyamba mu gutambutsaho ubutumwa.

Imibare y’Umuryango wita ku banyamakuru (the Committee to Protect Journalists), abanyamakuru 59 biciwe muri Somalia kuva mu 1992, abagera kuri 33 bishwe kuva mu 2007.

BBC

UM– USEKE.RW