Somalia: Igitero cya al-Shabab cyaguyemo Minisitiri
Imodoka yarimo ibisasu yaturikirijwe hanze ya hoteli izwi mu murwa mukuru wa Somalia
Abantu batandukanye batanze ubutumwa bw’akababaro ku muryngo wa Minisitiri wiciwe mu gitero cya al-Shabab cyagabwe kuri hoteli izwi mu mujyi wa Mogadishu.
Abarwanyi ba al-Shabab baturikije imodoka itezemo ibisasu hanze ya hoteli yitwa Naso-Hablod, nyuma yo kwinjira barasa urufaya ndetse bakanafata abantu bugwate kuwa gatandatu w’iki cyumweru.
Intumwa ya UN muri Somalia, yavuze ko Minisitiri wIbidukikije Buri Mohamed Hamza wishwe na al-Shabab ari umuntu wari wariyemeje gukora akazi ke neza.
Mohamed Hamza yari Umunyamabanga wa Leta mu biro bya Minisitiri wIntebe ushinzwe ibidukikije, ni umwe mu bantu babarirwa muri 15 baraye baguye mu gitero cya al- Shabab.
Ntabwo haramenyekana uko uyu munisitiri yishwe ariko ababibonye bavuga ko al-Shabab yarashe urufaya ku hantu hakunda kuba hari abanyapolitiki n’abakerarugendo kuri iyo hoteli.
Nyuma hakurikiyeho kurwana gukaze hagati ya al-Shabab n’ingabo za Leta.
Michael Keating, intumwa idasanzwe ya UN muri Somalia yamaganye cyane iki gitero, avuga ko cyahitanye abantu benshi.
Ati “Urupfu rwa Minisitiri Hamza rurababaje cyane. Yari umuntu ukarana umurava akazi ke, wiyemeje kwitangira ibidukikije muri Somalia, yageragezaga kurwanya ko byangirika.”
Mu bantu bapfiriye muri iki gitero harimo abarwanyi ba al-Shabab, abasirikare, n’abakozi bakoraga hanze ya hoteli harimo nabagore nkuko byatangajwe nubuyobozi.
Mu minsi ishize, nibura abantu 10 barishwe abandi 50 bakomerekera mu kindi gitero ku murwa mukuru wa Somalia, icyo gitero na cyo kigambwe na al-Shabab.
BBC
UM– USEKE.RW
English