Siporo yongera ubushake bwo gukora imibonano mpuzabitsina

Hamenyerewe ko imyitozo ngororamubiri ari ingirakamaro ku mubiri wacu, ndetse hari n’abo kwa muganga bayirangiramo umuti. Ntibigarukira aho gusa rero kuko sport ngo igira n’uruhare rukomeye mu gutuma habaho ubushake bwo gukora imibonano mpuzabitsina.

Urubuga tasante.com ruvuga ko abashakashatsi bemeje ko  hari imitsi y’umubiri w’umuntu iba igomba kwitabwaho kugira ngo n’ubushake bwiyongere harimo iyo bita Perinee iba hagati y’amaguru ahagana ku gitsina ndetse n’imitsi yo ku magufwa y’urukenyerero.

Iyi mitsi iba ikora kimwe ku bahungu ndetse no ku bakobwa aho usanga inagira uruhare rukomeye mu gukora neza no gushaka gukora imibonano mpuzabitsina.

Iyo mitsi ngo ituma umugabo agira akabaraga mu gihe cyo gutera akabariro ndetse igatuma yongera kubishaka vuba mu gihe yari arangije umubyizi umwe.

Ku bagore/abakobwa nabo ngo nta tandukaniro cyane kuko iyi mitsi yitwa Perinee ifasha cyane mu kugira icyo bakora nabo ndetse no kugira ibyishimo.

Uretse iyi mitsi iboneka hariya gusa, imyakura yose iyo yabonye umwuka mwiza ukunda guturuka ku mikorere yayo ngo iba yumva cyane (sensibilité) kurusha ibisanzwe.

Kugirango iyi mitsi ibashe kugira umumaro wayo ni uko iba yakoreshejwe ikarambuka ikamera neza, imyitozo ngororamubiri idakabije ni ryo banga.

Indi mitsi ikenera gukoreshwa siporo harimo imitsi y’amatako, imitsi yo ku nda (abdominaux) n’imitsi y’umugongo. Imyitozo ngororamubiri yitaye kuri ibi bice byose ngo ni ingenzi mu kubaka urugo.

Imyitozo irimo nko kwiruka, gukora ‘gym’ n’ibindi ngo byongerera cyane umubiri ibyiyumviro by’umubiri bigafasha cyane mu gukora neza no kunogerwa n’iriya gahunda.

Nyamara nanone kandi buri gihe imyitozo ngororamubiri isaba akaruhuko buri gihe cyose hari umwakura ukoze nk’uko bigenda bitangazwa n’abahanga bagiye batandukanye bazoboreye imikorere ya Sport.

Imyitozo ikozwe neza usanga itongera ubushake gusa ahubwo yongera n’imbaraga, ubuzima bwiza, icyizere, no gukangura imisemburo imwe n’imwe ifasha ubuzima kugenda neza.

Roger Marc Rutindukanamurego
UM– USEKE.RW