Shampiyona yagarutse, umukino wa Kiyovu na Rayon urasubikwa

Shampiyona y’icyiciro cya mbere mu Rwanda, Azam Rwanda Premier League irasubukuwa kuri uyu wa kabiri hakinwa imikino itandatu, gusa hasubitswe ibiri irimo n’uwagombaga guhuza Rayon Sports na Kiyovu sports.

Shampiyona yari imaze ibyumweru bibiri idakinwa, kubera imikino mpuzamahanga y’amakipe y’ibihugu yabaye mu mpera z’icyumweru gishize.

Kuri uyu munsi wa 27 wa shampiyona imikino yari guhuza Marines na Mukura VS n’uwa Rayon sports vs Kiyovu sports yasubitswe kuko Marine FC na Rayon sports zifite abakinnyi batatu mu ikipe y’igihugu Amavubi U20.

Aya mavubi U20 arahaguruka mu Rwanda kuri uyu wa kabiri tariki ya 7 Kamena 2016, ajya gukina umukino wo kwishyura na Misiri mu gushaka itike y’igikombe cya Afurika.

Marine FC ifite mo, Itangishaka Blaise, Usabimana Olivier na Nduwayo Yves. Naho Rayon sports ifitemo Dominique Savio Nshuti, Muhire Kevin na Manishimwe Djabel.

Imikino y’umunsi wa 27
Tariki ya 7 Kamena 2016
Bugesera FC vs Gicumbi FC- Nyamata
AS Kigali vs Etincelles FC – Nyamirambo
AS Muhanga vs Sunrise FC- Muhanga
Marines vs Mukura VS- Umuganda

Tariki ya 8 Kamena
Musanze FC vs Police FC- TBD
Rwamagana City FC vs Espoir FC- Rwamagana P.P.
Amagaju FC vs APR FC – Nyamagabe

UM– USEKE.RW