S.Tetteh abeshya FERWAFA? cg iramubeshya?

Kuri uyu wa gatanu nibwo umutoza  w’ikipe y’igihugu “Amavubi” Sellas Tetteh yahamagaye Amavubi makuru  ngo bitegure umukino w’u Burundi uzaba tariki 5/6, nk’uko tubikesha urubuga rwa internet rwa FERWAFA.

Photo: Silas Tetteh.

Urutonde ngo aruhorana kuri Flash disk?

Abakinnyi bahamagawe batumye benshi bongera kwibaza uburyo Amavubi ahamagarwa, abakinnyi bahamagawe nta gihinduka ku bari bahamagawe hashize amezi 3, bisa naho Tetteh aho abika urutonde ariho yasubiye akarwegura akongeramo gusa Fabrice Dusingizimana (amazina ye ntavugwaho rumwe) na Jean De Dieu Uwineza .

Muri rusange dore abakinnyi bahamagawe:

Abazamu: Jean Luc Ndayishimiye, Jean Claude Ndoli, Patrick Rutayisire, Evariste Mutuyimana

Myugariro:   Eric Gasana, Abouba Sibomana, Ismail Nshutinamagara, Donatien Tuyizere, Gaseruka Aloua, Mutesa Mafisango

Abo hagati:Jean Baptiste Mugiraneza, Hussein Sibomana, Haruna Niyonzima, Hegman Ngomirakiza, Adolphe Hakundukize, Fabrice Dusingizimana, Jean De Dieu Uwineza.

Ba rutahizamu: Peter Kagabo, Eric Serugaba, Jacques Tuyisenge, Kipson Atuheire, Saidi Abedi Makasi, Uzamukunda Elias

Benshi muri aba bakinnyi bibazwaho cyane, urugero;

Gaseruka Aloua: Amaze igihe kinini yaraburiwe irengero akaza kugaruka mu Rwanda mu ikipe ya Rayon sports, nta gishidikanya ko atigeze arebwa neza.

Saidi Abedi Makasi: uyu nyuma yo kuva muri Difaa Al Djadida muri Maroc ntakipe yongeye kumureba irihumye, arakora imiyotozo muri APR gusa, bigaragara ko yasubiye hasi cyane, bivugwako ahamagarwa kubera ubucuti afitanye n’umwe mu bayobozi muri comité ya FERWAFA.

Abanyezamu 4 badahinduka (Bakame, Ndoli, Rutayisire, Evariste)nyamara umuzamu  wa Mukura Regis Ingabire ubu ari mu bakinnyi bane beza batoranyijwemo umwe uzahembwa nk’umukinnyi w’ukwezi kwa 4 agahembwa na Bralirwa.

Kipson Atuheire: uyu mukinnyi ni umusimbura (utakinasimbura) mw’ikipe ya APR, ariko mu mavubi makuru ntasigwa inyuma.

Mu bakinnyi 4 beza kurusha batoranyijwe n’abasifuzi, n’abatoza ndetse n’abanyamakuru b’imikino (Kagere Meddy, we ni umugande, Kalisa Diardot wa Muhanga, Regis Ingabire wa Mukura  na Muhire Claver wa Etincelles FC). aba nta n’umwe ugaragara mu rutonde rwa Sellas Tetteh, ni ikimenyetso simusiga ko atajya akurikirana shampionat usibye match z’I Kigali gusa.

Ibi byose bituma benshi bibaza niba Sellas Tetteh abeshya FERWAFA ko ari selectionneur w’amavubi  cyangwa se ari FERWAFA imubeshya ko ari umutoza w’ikipe y’igihugu.

Fabrice Tuyishimire

Umuseke.com