Rwanda Motor yemerewe na TATA kuyihagararira mu Rwanda

Sosiyete izana ama modoka mu rwanda Rwanda Motor yabonye uburenganzira buyemerera guhagararira TATA, isosoyete ikora amamodoka mu Ubuhinde, umuhango wabaye  kuri uyu wa kane tariki 31/5/2012 ku cyicaro cya Rwanda motor i Gikondo.

Rwanda Motor imenyerewe ku isoko ry’imodoka mu rwanda nk’ihagarariye HYUNDAI, LAND ROVER na SUZUKI ubu hiyongereyho TATA, uruganda rwa kane ku isi mu gukora amakamyo n’amabisi.

Hakurikijwe amasezerano, Rwanda motor LTD yahawe ibikoresho, amapiyesi n’ibyuma bigezweho bya TATA, kugirango hatangwe serivisi nziza ku bashaka amamodoka ya TATA.

Ayo masezera azatuma Rwanda Motor LTD yongera umubare w’abakiriya, yongera umusaruro wayo ndetse inakomeza kwigarurira isoko irusha abo bahuje umwuga.

Rwanda motor  yatangiye muri 1967 nk’igaraji rito, ivuga ko ifite abakiriya barenga 1000 mu Rwanda.

Naho TATA bagiye gukorana ni kompanyi nini y’abahinde ifite ikicaro i Mumbai, yatangijwe na Jamsedji Tata mu 1868, ubu uyikuriye yitwa Ratan Tata.

Mu 2011 Tata yatangajwe ko ariyo kompanyi ikize cyane muri India, yabariwe agaciro ka miliyari  $98.7. mu 2009 muri company 600 zakoreweho ubushakashatsi bemeje ko Tata iza ku mwanya wa 11 mu zikomeye cyane ku Isi.

Daddy SADIKI RUBANGURA
UM– USEKE.COM