Rwamagana: Bishe umugore bamujugunya mu kiraro cy’inka ze

I Rwamagana mu murenge wa Munyiginya mu kagali ka Cyarukamba haravugwa ubugizi bwa nabi bwibasiye umugore w’imyaka 56 witwa Monique Nyirabaganga wishwe mu ijoro ryakeye ahotorewe iwe umurambo we abagizi ba nabi bakawujyana mu kiraro cy’inka ze ngo abantu bagire ngo ni inka yamukandagiye.

IP Emmenuel Kayigi avuga Police yabashije kubona ibimenyetso bigaragaza ko uyu mukecuru yiciwe inyuma y’urugo rwe kandi hari babashije kubona ibimenyetso birimo amaraso yatonyanze kugera ku kiraro ndetse n’ishati uyu mugore yari yambaye bamuvanyemo bakayitaba bahisha ibimenyetso.

IP Kayigi avuga ko ubu Police iri gukora iperereza ishakisha ababa bishe uyu mugore wibanaga mu nzu kuko afite abana bane bakuru barimo umwe baturanye wazaga kumukamira inka.

Iperereza ry’ibanze rigaragaraza ko uyu Mukamuganga yishwe anigishijwe akagozi akanakubitwa ikintu mu musaya.

Biracyekwa ko amakimbirane ashingiye ku masambu yaba ariyo ntandaro y’ubu bwicanyi.

UM– USEKE.RW