Rutahizamu w’umunyarwanda Reindorf yasinye muri Tamworth

Rutahizamu w’Umunyarwanda Jessy Reindorf ku myaka 22 yasinye mu ikipe yo mu Mujyi wa  Tamworth, Staffordshire mu Bwongereza.

Tamworth FC nta marushanwa ahoraho akomeye yitabira uretse guhagararira Umujyi wa Tamworth ibarizwamo mu marushanwa y’uturere n’ibikombe nk’ibya FA Cup.

Nyuma yo guca mu Butaliyani, u Bufaransa, n’u Bubiligi, Reindorf yageze mu Bwongereza muri Nzeli umwaka ushize aje mu ikipe ya Bury.

Kubw’impamvu zitagaragazwa n’urubuga rwa radiyo mpuzamahanga y’Abongereza (BBC) dukesha iyi nkuru, tariki 16 Mutarama, ikipe ye yaje gusesa amasezerano y’imyaka ibiri bari bafitanye, niko gutangira gushaka indi kipe.

Mu gihe gito yamaze muri Bury n’ubwo atakundaga kubanzamo ariko yagiye agira amahirwe yo gutsinda ibitego bibiri mu mikino ibiri yagaragayemo asimbuye.