Rusumo High School VC yatsinze St Joseph bigoranye

Ikipe ya Volleyball y’ishuri ry’isumbuye Rusumo High School (RHS)  iri kugenda yigaragaza muri shampionat ya Volleyball, kuri uyu wa gatatu yabashije gutsinda ikipe y’ikigugu muri Volleyball ya Groupe Scolaire St Joseph bigoranye kuko amaseti bayanganyije bagakizwa na Seoul baje gutsinda ku manota 18-16.

Ikipe ya Saint Joseph ni imwe mu makipe afite izina rikomeye muri Volleyball mu Rwanda cyane cyane mu mashuri yisumbuye.

Umukino wari uw’ikirarane watagniye saa13h00  zo kuri uyu wa 02 Werurwe I Kabgayi ku kibuga cya St Joseph, ndetse imbere y’abafana bayo.

RHS yatsinze St Joseph’ iseti ya mbere 25-17 iya kabiri 28-26 iya gatatu St Joseph irishyura ku manota 26-24 iya kane 29 ya Saint Joseph kuri 27 ya RHS.

Iseti yo kubakiranura yarangiye iyi kipe y’ishuri rikuru rya Rusumo iyitsinze ku manota 18-16.

Umutoza wa Rusumo High School Serugo Christopher yabwiye Umuseke ko gutsinda umukino w’ikirarane bitaba byoroshye abigezeho kubera ubwitange bw’abakinnyi be no kumwumvira.

Serugendo ati “Ubu tugiye mu biruhuko duhagaze neza kubera uyu mukino dutsinze.”

Mbanza Silvestre  utoza ikipe ya St Joseph avuga ko gutsindwa uyu mukino ari amawirwe make kuko basaga nkaho banganya.

Ati “ muby’ukuri twabuze amahirwe kuko ikipe yo ntakindi yaturushije”.

Mbanza  akomeza avuga ko nyuma y’ibiruhuko bya banyeshuri bazakomeza imyiteguro imikino isigaye ya shampiyona bakitwa neza.

Undi mukino wabaye :
St Joseph 3-0 Pt Seminaire VF Karubanda

Imikino iteganyijwe tariki ya 5 Mata2014 muri UR i Huye

UR Huye vs College of Education
College of Education vs Rayon Sports
Rayon Sport – UR Huye

Damas Nkotanyi
ububiko.umusekehost.com