Ruhango: Grenade yaturikanye umwana iramuhitana

CHIEF EDITOR
10/02/2011

Kuri iki cyumweru saa moya za mugitondo, mu mudugudu wa Gasharu, Akagali ka Rwoga, Umurenge wa Ruhango, mu karere ka Ruhango, Grenade yaturikanye umwana w’imyaka13 ubwo yageragezaga kumenya icyo aricyo.

Grenade yo mu bwoko bwa Stick/ Photo Internet

Amakuru dukesha bamwe mu baturage baho hafi ni uko GIHOZO Fabrice yabyutse agiye guca ubwatsi bw’amatungo, aza kubona grenade eshatu, afungura imwe ashaka kumenya icyo ari cyo.

Yahise kimuturikana maze ahasiga ubuzima. Aho cyaturikiye ni ahantu hadatuwe dore ko ari nko muri metero 200 uvuye ku rugo ruri hafi aho.

Umunyamabanga Nshingwabikorwa w’Umurenga wa Ruhango yadutangarije ko izi grenade zaba ari uwazihajugunye atinya kuzitanga ku bashinzwe umutekano.

Izindi grenade ebyiri zo mu bwiko wa Sticks zikaba zashyikirijwe abashinzwe umutekano.

Inzego z’umutekano zimaze igihe zishishikariza abaturage gutanga ibirwanisho bya gisirikare ku baba bakibifite cyangwa bagize aho babibona.

Ange Eric Hatangimana
UM– USEKE.COM

9 Comments

ukuri says:
10/03/2011 at 08:27

umuryango wa Gihozo turawihanganishije ntakindi twakora bavandimwe cyane ko bishoboka ko uyu mwana yari afite amateka yihariye kuko yitwaga Gihozo!mukomere ntacyaboneka cyasimbura umwana w’umuntu,birababaza ndabumva!

Karangwa says:
10/03/2011 at 09:51

Ariko bimaze kuba ikibazo !kuki zino grenade zimaze kuba nyinshi nyuma yaho kayumba ahungiye?Harimo impamvu za politic!

Jean Marie says:
10/03/2011 at 15:53

Eh!Ngirango murabona ko ababyeyi n’abandi barezi muri rusange bakwiye gukomeza kubuza abana gukinisha ibintu batazi,ahubwo kihutira kubyeka antu bakuru kugirango nabo babimenyeshe ababishinzwe.Inzego z’umutekano nazo zongere publicites

john says:
10/03/2011 at 21:09

ese nta mugabo yagiraga,twifatanije n’umuryango mu kababaro

Gunners says:
10/03/2011 at 21:48

Imana imuhe iruhuko ryiza.

kany says:
10/04/2011 at 10:47

police nikore uburyo amafoto ya za grenades amenyekana hose bizafasha cyane nukuri.

NIYIGABA FILS SILAS says:
10/04/2011 at 15:34

Hakwiye kubaho gusobanura neza mu bijyanye numutekano,ariko abanyagihugu bagasabwa kwitondera ibikoresho babonye batabizi.Murakoze!

bebeto says:
10/05/2011 at 13:49

DEMINING OFFICE UBANZA ITAKIBAHO. UBUNDI TARGET YABO HARIMO NO KWIGISHA ABANA BIGA MU MASHURI YO HASI IBISASU UKO BISA NO KWIRINDA KUBYEGERA

Longin says:
10/10/2011 at 13:42

Iyi nkuru irababaje kuko ntibyumvikana ukuntu hari abantu bagifite intwaro ntoya mu ngo kandi nyamara Police y’u Rwanda isaba abafite izo ntwaro kuzitanga ku bushake nta zindi nkurikizi. Gusa dushishikarije uwaba agifite intwaro wese ko yayitanga ku buyobozi bwa Police bumwegereye kuko ubu u Rwanda umutekano ni full kandi rwose byaba byiza turetse intwaro zigatungwa n’abemerewe kuzitunga. Turabashimiye.

Comments are closed.

Share this:

9 Comments