Rubavu yaciye agahigo muri Guma Guma Superstar

Kuri uyu wa gatandatu  abaturage bakarere ka Rubavu nibo bari batahiwe kureba ibihangange 10 muri Muzika mu Rwanda biri guhatanira igihembo cya Primus Guma Guma Supersptar.

Rafiki yashimishije benshi i Rubavu kuri Plage

I Rubavu habaye uwmihariko mu kwitabira kuko imbaga yabantu yari yaje kwakira aba bahanzi kuva bakihagera ndetse no mu gitaramo bakoze abantu bakaba bari uruvunganzoka, benshi bashimiye cyane BRALIRWA yabazaniya aba bahanzi ku buntu ndetse bakanabagurisha ikinyobwa cya PRIMUS kuri make kuri uyu mugoroba byabereye ku mucanga (Beach) iri iruhande rwa Rubavu Serena Hotel.

Si abayarwanda gusa bitabiriye Guma Guma Superstar I Rubavu kuko n’abanyeCongo batari bake bari baturutse mu mujyi wa Goma baje kwihera ijisho ibihangange muri Muzika Nyarwanda. Umwe mu bagore witwa Brigitte Karume waganiriye n’umuseke.com yagize ati: “Navuye I Goma saa mbili kare ngo ntacikwa n’abaririmbyi babanyarwanda bazanywe na Bralirwa ku buntu”

Ari abahanzi ari n’abateguye iki gikorwa cya Primus Guma Guma Super Star bose bakomeje kwishimir ako iki gikorwa kiri kugenda neza, abaririmbyi bakaba bashimishije byimazeyo  abari babakurikiye I Rubavu.

Abatahiwe bakaba ari abatuye umujyi wa Musanze kuri uyu mugoroba, ubwo baba bavuye I Rubavu.

King James aririmbira abamukurikiye

Jay Polly abaha kuri Hip Hop ya kera

Plaisir Muzogeye

Umuseke.com