Rubavu: Banki y’abaturage yahaye impano y’inzu ivuriro rya Karamo

Banki y’abaturage i Rubavu yahaye Ikigo cy’Ubuzima cya Karambo inzo yo gukoreramo ifite agaciro ka miliyoni 46 z’amanyarwanda. Iki cy’Ubuzima cyahise gitangira gukorera muri iyi nyubako kuri uyu wa 31 Mutarama.

Banki y’Abaturage ishami rya Kanama ari naryo ryatanze iyi nyubako, niryo shami mu Rwanda rya Banki populaire rytoranyijwe ko ryakoze neza mu mwaka ushize, iri shami rishima imikoranire myiza n’abatuye aho ariyo mpamvu naryo ryabituye iyi nyunako ibafitiye akamaro bose.

Aimable Umumararungu ushinzwe amashami ya za Banki z’Abaturage mu gihugu, we akaba yavuze ko atari ibi gusa bakoze kuko banki y’abaturage izakomeza kureba uburyo imibereho y’abanyarwanda yazamurwa haba mu buvuzi no mu bindi bitandukanye.

Hitiyaremye Innocent umwe mu baturage witabiriye umuhango wo gushyikiriza iyi nyubako yavuze ko Banki yabo atari ibi gusa ikora kuko mu baturage ifite benshi itangira ubwishingizi mu kwivuza.

Uyu Habiyaremye yagize ati “ Banki yacu iturinze guhamagara za ambulance, iturinze gukora ingendo ndende tujya Gisenyi mu mujyi kuvuza indembe. Ni igikorwa cyiza cyane Banki yacu ikoze.”

Umuhango wo gutanga iyi nyubako witabiriwe kandi n’abayobozi batandukanye barimo Prof Shyaka Anastase uyobora ikigo cy’igihugu cy’imiyoborere

Maisha Patrick/Rubavu
UM– USEKE.COM/Rubavu