Ronaldinho yongeye ku garuka mu ikipe y’igihugu ya Brazil

Kuri uyu wambere tariki ya 5 Nzeri ni bwo amakipe atandukanye ku isi yakinnye imikino ya gishuti yemewe n’Ishyirahamwe Mpuzamahanga ry’Umupira w’amaguru (FIFA), umukino ukomeye cyane wahuje  Brezil na Ghana i Londres, aho warangiye Brazil itsinze Ghana 1-0

Amakipe ya Brezil na Ghana akaba afatwa nk’amakeba nyuma y’aho Ghana ikina umukino mwiza muri Afurika kandi ikaba igizwe n’abakinnyi bakiri bato na ho Brazil muri Amerika y’Amajyepfo no ku isi igafatwa n’igihugu gikina umukino usukuye.

Igitego rukumbi muri uyu mukino cyatsinzwe na Leandro Damiao mu gice cyambere. Naho Daniel Opare wa Ghana we yahaboneye ikarita itukura.

Ku bijyanye n’umukino umutoza Mano Menezes akaba yakinishije umusore Ronaldinho wari umaze igihe atagaragara mu ikipe y’igihugu. Uyu musore akaba yakinnye uyu mukino wose akawurangiza.

Uyu umukinnyi Ronaldinho  yongeye kugirirwa ikizere nyuma yo kuva muri Milan AC akajya iwabo muri Flamingo aho yakinnye imikiono 18 mu gihe k’imikino gishize agatsinda ibitego 12 ; harimo igitego cya coroneri yateye ikijyanamo n’ubwo batsinzwe n’Avai 3-2.

Ikipe ya Brezil ikazaba igizwe n’aba bakinnyi : Julio César (Inter Milan) – Daniel Alves (Barcelone), Lucio (Inter), Thiago Silva (Milan), Marcelo (Real) – Lucas Leiva (Liverpool), Fernandinho (Shakthar), Ronaldinho (Flamengo), Ganso (Santos) – Neymar (Santos), Damião (Internacional)

Ghana ikaba izatoranya ikipe muri aba :

Abazamu : Richard Kingson (pas d’équipe), Adam, Larsen Kwarasey (Stromgodset/NOR), Ernest Sowah (Berekum Chelsea)

Abugarira : John Boye (Rennes/FRA), Lee Addy (Estrela Vermelha de Belgrado/SBR), John Paintsil (Leicester City/ING/D2), Samuel Inkoom (Dnepropetrovsk/UCR), Jonathan Mensah (Evian Thonon-Gaillard/FRA), Isaac Vorsah (Hoffenheim/ALE), Daniel Opare (Standard de Liege/BEL)

Abo hagati : Anthony Annan (Vitesse Arnhem/HOL), Emmanuel Agyemang-Badu (Udinese/ITA), André Ayew (Marselha/FRA), Mohammed Rabiu (Evian Thonon-Gaillard/FRA), Sulley Muntari (Inter Milão/ITA), Kwadwo Asamoah (Udinese/ITA),Derek Boateng (Dnepropetrovsk/UCR) Albert Adomah (Bristol City/ING/)

Ba rutahizamu : Asamoah Gyan (Sunderland/ING), Prince Tagoe (Hoffenheim/ALE), Dominic Adiyiah (Karsiyaka/TUR), Jordan Ayew (Marselha/FRA), Nathaniel Asamoah (Asante Kotoko)

Reba igitego cya Ronaldinho Corner yijyanyemo Flamingo ikina na Avia (2-3)

HATANGIMANA Ange Eric
UM– USEKE.COM