REG VC na UTB VC mu itsinda rimwe mu irushanwa ry’intwari
Ikipe ya REG VC iheruka kuviramo ku mukino wa nyuma mu irushanwa riheruka iri mu itsinda rimwe na UTB VC nayo itoroshye muri iyi minsi.
Ni amarushanwa azatangira taliki 25 kugeza 27 Mutarama 2019 akinwa mu rwego rwo kwizihiza umunsi ngaruka w’Intwari z’u Rwanda.
Imikino izakinirwa muri Petit stade no muri gymnase ya NPC.
Gisagara VC niyo ifite igikombe cy’umwaka ushize yabonye imaze gutsinda REG VC ku mukino wa nyuma.
Mu kiciro cy’abagore ikipe y’ikigo cy’igihugu gishinzwe imisoro n’amahoro (RRA VC) niyo yegukanye igikombe giheruka cya 2018.
Iyi nayo iri mu itsinda rimwe n’ikipe ya Groupe Scolaire ya St Aloys nayo ikunze kugenda igora amakipe makuru.
Uko amatsinda ameze:
Abagabo
Group A: Gisagara VC, APR VC, IPRC Ngoma VC, IPRC Karongi VC
Group B: REG VC , UTB VC and Kirehe VC
Abagore
Group A: RRA VC, St Aloys VC, IPRC Huye VC and Ruhango VC
Group B: APR VC, St Joseph VC, UTB VC , KVC na IPRC Kigali VC
Yvonne IRADUKUNDA
UM– USEKE.RW