RDC: Minisitiri w’Ubutabera yanyomoje ibivugwa ko Kabila ashaka manda ya 3

Minster w’Ubutabera Tambwe Alexis Mwamba yabwiye bagenzi be  b’Abaministeri n’abahagarariye ibihugu byabo i Kinshasa ko Itegeko Nshinga uko ryavuguruwe bidaha Perezida Kabila amahirwe yo kuobora igihugu muri manda ya gatatu.

Mu misni ishize mu itegeko nshinga rya Repubulika iharanira Demokarasi ya Congo, ubusanzwe rivuga ko Perezida atorerwa manda ebyiri gusa, habayemo kuvugururwa.

Hongewemo ingingo ivuga ko igihe habura ingengo y’imari amatora ntabashe gutegurwa, Perezida uriho akomeza kuyobora igihugu.

Abantu benshi cyane abo mu mashyaka atavuga rumwe na Leta babibonyemo amahirwe Perezida Kabila asigaranye yo kugundira ubutegetsi.

Minisitiri w’Ubutabera Tambwe  Mwamba yabwiye abo bahagarariye ibihugu byabo ati “Injiji ni zo zivuga ko itegeko nshinga ryahaye Kabila manda ya gatatu. Si uko bimeze. Urukiko rwubahiriza itegeko nshinga rwashatse gusobanura ingingo ya 70, rufata umwanzuro ko igihe amatora yaba atabaye, Perezida uruho aguma ku butegetsi.”

Yabwiye abo bahagarariye ibihugu byabo i Kinshasa ko bagomba kujya bamenya amakuru y’igihugu barimo banabimenyesha ibihugu bahagarariye.

Ministeri Tambwe yashinje abanyepolitiki bo muri Congo Kinshasa batavuga rumwe na Leta gushaka guhuza ibibazo by’imisoro n’iby’ubutabera bakabivanga na politiki.

Radio Okapi
UM– USEKE.RW