Rayon yagumye imbere nyuma yo gutsinda 2 – 0 Amagaju i Nyagisenyi

CHIEF EDITOR
12/04/2016

Kuri uyu munsi wa 7 wa Shampionat umukino wari utegerejwe cyane ni umaze guhuza Rayon Sports n’Amagaju FC kuri stade ya Nyagisenyi i Nyamagabe, imihigo yari yose ku mpande zombi, ariko birangiye Rayon Sports itsinze ibitego bibiri ku busa, bituma iguma ku mwanya wa mbere wa Azam Rwanda Premier League.

Amagaju yari yakiriye Rayon Sports kuri stade ya Nyagisenyi mu murenge wa Gasaka ntibyayahiriye

Amagaju yatangiye yihagararaho nk’ikipe iri mu rugo, agerageza guhererekanya neza no gusatira bya hato na hato, ariko ntibigire umusaruro ubivamo.

Rayon Sports yaje kwinjira mu mukino nayo, ku munota wa 30 Mustapha Nsengiyumva ukina ku ruhande rw’ibumoso, uyu munsi wabanjemo mu mwanya wa Savio Nshuti uyu munsi waruhukijwe, yatsinze igitego cya mbere cya Rayon Sports.

Mustapha yatsinze iki gitego ku mupira yari aherejwe na Shasir Nahimana maze atera umupira ku rundi ruhande rw’izamu aho umunyezamu Shyaka Regis w’Amagaju atari ahagaze atanabasha gusimbuka ngo ahagere.

Bidatinze nanone ku munota wa 43 Mustapha Nsengiyumva nawe yahereje umupira Shasir Nahimana ahita atsinda igitego cya kabiri cya Rayon bajya kuruhuka ari bibiri bya Rayon ku busa bw’Amagaju yari imbere y’abafana iwayo.

Mu gice cya kabiri, amakipe yombi yagerageje gusatirana ashaka ibitego ariko nta gitego cyabonetsemo kugeza umukino wihariwe na Rayon Sports urangiye.

Rayon yagumanye umwanya wa mbere n’amanota ubu 19 mu mikino irindwi, ikaba imaze gutsinda itandatu inganya rimwe, ikurikiwe na Police FC ifite amanota 14 mu mikino irindwi.

Rayon Sports yari yaje yiteguye gukora byose ikaguma imbere

Abanjemo mu Amagaju FC: Shayaka Regis (umuzamu), Djafar, Bizimana Noel, Ndayishimiye Dieudonne, Ndayishimiye Hussain, Irakoze Gabriel, Sibomana Araphat, Shabani Hussein bita Shabalala, Amani Mugisho, Yumba Kayite na Ndayizeye Innocent

Kuri Rayon: Ndayishimiye Eric Bakame, Irambona Eric, Nzayisenga J d’Amour bita Mayor, Eric Irambona, Kwizera Pierrot, Niyonzima Olivier Sefu, Nova Bayama, Nsengiyumva Moustapha, Nahimana Shasir na Moussa Camara.

Abafana ba Rayon bari bayiherekeje ari benshi

Nizigiyimana Karim bita Makenzi wahoze muri Rayon ubu ukina muri Kenya yari yaje kuri uyu mukino

Hamwe na mugenzi we Abuba Sibomana nawe wakiniraga Rayon ubu ukinana na Makenzi muri Gor Mahia nawe yari kuri uyu mukino

Hamiss Cedric (hagati) nawe uri mu biruhuko mu Rwanda nawe yaje kureba uyu mukino

Wari umukino w'imbaraga hagati y'aya makipe yombi — Wari umukino w’imbaraga hagati y’aya makipe yombi

Shasir Nahimana yishimira igitego cya kabiri

We na bagenzi be bsihimiye cyane iki gitego cyashimangiye intsinzi

Mu gice cya kabiri amakipe yombi yasatiranye ariko birananirana, aha ni Mussa Camara wa Rayon agerageza

Roben NGABO
UM– USEKE.RW

12 Comments

Olivier says:
12/04/2016 at 18:33

Oooh Rayon,tsinda we batsinde

Tuza sem says:
12/04/2016 at 18:36

Rayon Sport oyeeeeeeee!!!! Tsinda we batsinde!

bobo says:
12/04/2016 at 18:36

Rayo ndagukunda cyane

Muhire says:
12/04/2016 at 18:38

Woooow!Rayon iraturyohereje sana!Ariko n’aba bataramu bacu baradushimishije!

Kana says:
12/04/2016 at 19:45

ubwo wasanga rayon ikunzwe kurusha amagaju inyamagabe. Byaba bisekeje. Ikintu gituma muburayi amakipe ahangana nuko usanga buri muntu akunda ikipe y aho aturuka ugasanga zose zifite abafana

fiacre says:
12/04/2016 at 22:17

ndagukunda rayon

Uyisenga Jean claude says:
12/04/2016 at 22:57

courage rayon

Abaz says:
12/05/2016 at 06:10

Umuseke, murakoze cyane abantu hatari mu Rda kdi dukunda ekipe yacu Rayon twari twabuze amakuru. Ngo tumenye uko byarangiye. Tesekkural

Kagabo says:
12/05/2016 at 08:32

Rayon Sport kuva kera yari ifite abafana mu gihugu cyose. Gusa kiriya kibuga bakiniraho FERWAFA yaba yaracyemeye. Kimeze nk’igikinirwaho na social teams.

wise says:
12/05/2016 at 12:01

Ariko Moussa Camara gutsinda muri champiyona byaranze kweli. yakanze abantu muri pre-season birangirira aho

niyokwizerwa Eric says:
12/05/2016 at 12:05

songa mbere rayon sport gikundiro

Bahizi says:
12/05/2016 at 14:07

Gikundiro yacu imaze kurenga amakipe yino ikeneye kwipima nayo hanze tukareba izi ngufu aho zigera.
gusa NTAMIKA (gikona) ndabona ariyo tuzongera kubyukirizaho umuyoboro mushya wa 5G

Comments are closed.

Share this:

12 Comments