Rayon Sports ku myitozo ya nyuma, ikizere ni cyose
Ku myitozo ya nyuma ku mugoroba wo kuri uyu wa 13 Gashyantare, umutoza wa Rayon Sports Luc Eymael aravuga ko ikizere ari cyose cyo gusezerera AC Leopards banganyirije iwayo. Imyitozo bayikoreye ku kibuga cya Stade Amahoro.
Rayon Sports y’i Nyanza yageze i Kigali kuri uyu wa 13 Gashyantare, ije kuba imenyera umwuka w’i Kigali aho izakinira tariki 15 Gashyantare kuri stade Amahoro, imyitozo yakoze none ni nayo ya nyuma kuko ejo ngo bazirirwa baruhuka.
Imyitozo ya none yari yiganjemo tekinike zo guhanahana umupira bihuta. Ndetse no gusatira kuko icyo basabwa ni ukubona igitego cyangwa ibitego mu rugo.
Rayon Sports ifite amahirwe kuko umukino ubanza i Dolisie muri Congo Brazzaville yawunganyije ubusa ku busa, muri aya marushanwa ya CAF Champions Ligue.
Imyitozo ya none yagaragayemo ishyaka n’imbaraga ku ruhande rw’abakinnyi.
Fouad Ndayisenga kappiteni w’ikipe ya Rayon Sports yavuze ko abakinnyi bafite morale iri hejuru nubwo bazakina badafite umunyezamu wabo Ndayishimiye Jean Luc (Bakame) wahawe ikarita itukura ndetse na Hategekimana Aphrodis (Kanombe) abandi bose bameze neza kandi biteguye.
“Nta kibazo na kimwe dufite, turi tayari cyane kuri uyu mukino, turasaba abafana ba Rayon n’abakunzi b’umupira muri rusange kuzaza kudushyigikira tugasezerera AC Leopards.” Ni amagambo ya Fuad Ndayisenga.
Umutoza Luc Eymael nawe yemeza ko ikipe ye yiteguye, nta kibazo kidasanzwe bafite kandi babonye imikinire ya AC Leopards, ikaba ngo ituma bumva bafite ikizere cyinshi cyo kuyisezerera.
Ikipe izatsinda hagati ya Rayon Sports na AC Leopards izahura muri 1/8 cy’aya marushanwa y’amakipe yabaye aya mbere iwayo n’ikipe ya Premier Agosto yo muri Angola.
Kwinjira kuri uyu mukino aha macye ni amafaranga 2 000Frw.
Damas NKOTANYI
ububiko.umusekehost.com
English
0 Comment
Turifuza ko nyakubawa azaba ysgarutse akaza gudhyigikira Rayon .
turasaba Imana ukuntu yaguhaye igikundiro Rayon we izaguhe n’intsinsi maze twibyinire murera we dore n’ubundi niwowe wabimburiye izindi gutahana ibikombe mu rwa Gasabo 98 cecafa !!!!!!!!!!!!!!! komeza utere imbere UBUNDI ABAFANA MUZAZE MWESEMWESE DUSHAKE IGITEGO CYACU.
Mujye muvana Imana mu mikino kuko hakina abahaze kandi hari ababa bashonje, barwaye bavuze kuvurira
Rayon igomba kwitonda cyane,kuko iriya kipe ntiyoroshye.
Ariko nubwo ndi APR ejo nzaba ndi umu Rayoni da.
Mbifurije instinzi kabisa.
Turasaba IMANA ngo RAYON SPORT izatwereke ibirori nk’ibyo yatweretse muri 1994 nyuma yo gutsinda EL HIRAL aho umugi wa KIGALI wose wabayemo ibirori kabone ibibazo byari mu gihugu muri icyo gihe.
Intsinzi ya Rayon Sport ni Ishema ry’u Rwanda.Tubifurije amahirwe masa.
ewana fc leopards iratinze ngo idukuriremo gasenyi.ejo tuzaba twishimira ko fc leopards isezereye gasenyi
Binezero. Ntimuzi se uko amakipe yiyemerana ubukire tuyagenza. Erega ntibuza mu kibuga. Mu kibuga ni 11 kuri 11. Tuzabarangiza bagire ngo ijuru riraguye.
MUREKE uwo mukino imana ariyo iwuyobora kuvuga ngo imana ntibayizane mumakipe haricyo bitwaye imana bayambaza hose, gusa gikundiro, muyireke GOMEZI afite icyo yayisigiye kandi nabakinnyi ba gikundiro nabo ndabazi barabisevinze neza.
Bonne chance Rayon sport
Comments are closed.