Rayon iratsinzwe, APR FC itwaye igikombe cya shampionat cya 3 yikurikiranya
N’ubushize APR FC niyo yegukanye igikombe cya shampionat
Rayon sports itsinzwe na Muhanga 1-0, byemeza ko nubwo yatsinda imikino isigaye, ntiyafata APR FC, kuko ubu iyirusha amanota 10, kandi Rayon isigaje imikino ibiri gusa. APR FC ihise yegukana igikombe cya shampionat.
Rayon Sports yasabwaga gutsinda imikino y’ibirarane itatu ifite, igategereza ko APR FC yananirwa gutsinda AS Kigali ku munsi wa nyuma wa shampiyona, kugira ngo ibe yatwara igikombe cya sha shampiyona 2015-16.
Muri uyu mukino w’ikirarane wabereye i Muhanga, Uwayezu Jean Bosco ni we watsinze igitego cyonyine cyawubonetse mu mukino.
Rayon Sports yari yaruhukije abakinnyi bamwe barimo umuzamu Bakame, Manzi Thierry, Savio Nshuti na Ismaila Diarra, ntiyabashije kwishyura iki gitego.
Davis Kasirye na Kwizera Pierro bahushije penaliti ebyiri zahawe Rayon sports muri uyu mukino. Umukino urangira Muhanga itsinze 1-0.
Ubu APR FC iyoboye urutonde ifite amanota 67. Rayon sports iyikurikiye ifite 57.
Rayon itsinze ibirarane bibiri isigaranye yagira 63. Nubwo APR FC yatsindwa na AS Kigali ku munsi wa nyuma wa shampiyona, yakomeza kuba iya mbere bityo ubu itwaye igikombe cya shampiyona cya 2015-2016.
Iki gikombe cya shampiyona cya gatatu itwaye yikurikiranya, kibaye icya 16 mu myaka 21 APR FC igikinnye.
Iki gikombe yegukanye kiyihesha itike yo kwitabira CAF Champions League, na CECAFA Kagame Cup 2017 ihagarariye u Rwanda.
Roben NGABO
UM– USEKE.RW
English
10 Comments
APR ni ikipe y’igihugu kereka ba gasenyi batayemera. mbabwize ukuri ko n’ikindi tuzagitwara. Savio tugiye kumuzana, n’abandi banayarwanda bakinira gasenyi.
Ngango urasekeje kabisa! Apr ibaye Ikipe y’igihugu se kuko rayon yayivutuye bitanu zeru mu mikino ibiri yatsinzwe na
as muhanga?
Iyi Panhtere noire nshya ndabona ari danger
Uziko numvise ngo abasilikare n’abapolisi babakata amafaranga ya APR!!! Byaba aribyo?? Uziko yaba ari nka Black Panters numvise yatsindwaga na Rayon cg Mukura bagakubita abakinnyi n’abafana ngo ” Intambara ni nk’indi” Arsenal si iy’ingabo ra?? Ariko nta Officer ujya agaragara mu bakinnyi yambaye Uniform FAR Rabat ya Maroc nayo n’uko; hari n’ayandi.
Wahora niki ko Black panthers yariyaradukozeho sha.Ariko ntagahora gahanze ubuse irihe kandi Rayon,Mukura zikiriho?
Ese kuki byabananiye kurema ikipe yanyu mugahora mucyenguza abana na Gikundiro. Ngo muri ikipe y’igihugu naho se Rayon ikaba iki muhora muyisahura?
Dore icyp rayon Sports yazize , ibikombe byose byari ibyayo.
1. Kuba ifite abakinnyi mu mavubi U20, byatumye igira ibirarane byinshi. Ariko iypo biba kuri APR championat yari kujya ihagarara. Amakipe akwiye kwiga neza iki kibazo. Niba kugira abakinnyi mu mavubi biviramo ikipe guhomba.
Dore umwaka utaha ikipe zizasohoka, kandi zijye no mu mavubi, ndibwira ko FERWAFA itazatonesha ikipe imwe.
ese kuki mutavuga andi makipe mukavuga rayon murumva ariyo ikina mugihugu gusa? yarabaryoheye kweli!ngaho APR nikore ikirori ndebe ko kiryoha nk’iyo yakinnye na GIKUNDIRO!
ARIKO GASENYI…IBIGAMBO BISA BYABARENZE WAGIRANGO MUFITE IKIBAZO MUMUTWE UBUNDI IRYO SHYARI MUBONA RIZATUMA MUGERA KUKI KOKO?AGAKOMBE KAMWE MUMYAKA 10MURABESHYA TUZAHORA TUBARI IMBERE KUGEZA IGIHE IKIBYIBYE KIZAMENEKERA NAWE SE MUBA MWIBWE ‘UBUKENE’URWANGO’NIMUPFE RWIZA PUUUUU
Ntabwo nari nzi ko rayon sport hari abantu yateye ihahamuka, nk’uyu wiyise gasenyi! Humura gasenyi we iryo hahamuka ufite rizakira umunsi 46
Ntabwo nari nzi ko rayon sport hari abantu yateye ihahamuka, nk’uyu wiyise gasenyi! Humura gasenyi we iryo hahamuka ufite rizakira umunsi 4G yabaye 6G! Icyo gihe uzahita wiyahura ihahamuka rishire!
Comments are closed.