Police FC igumye imbere nyuma yo gutsinda APR FC

CHIEF EDITOR
02/11/2012

Ku munsi wa 11 usoza phase aller ya shampionat y’ikiciro cya mbere, umukino ukomeye ni uwahuzaga Police FC na APR kuri stade Amahoro urangiye ku ntsinzi y’ibitego 3 bya Police kuri 2 bya APR.

Police FC; abahagaze uhereye ibumoso: Kagere Meddie, Ganza Alexis, Othieno Deo, Peter Kagabo, Ndikumasabo Ibrahim, Kaze Gilbert Abunamye uhereye ibumoso: Mavugo Laudit, Uwacu Jea Bosco, Twagizimana Fabrice, Uwimana Jean d’Amour Kadogo Alimansi — Police FC yabanjemo; abahagaze uhereye ibumoso: Kagere Meddie, Ganza Alexis, Othieno Deo, Peter Kagabo, Ndikumasabo Ibrahim, Kaze Gilbert. Abunamye uhereye ibumoso: Mavugo Laudit, Uwacu Jea Bosco, Twagizimana Fabrice, Uwimana Jean d’Amour Kadogo Alimansi

Muri uyu mukino w’amakipe yahataniraga kurangiza iki kiciro ari ku mwanya wa mbere, ku munota wa 18, ku ikosa rya myugariro Kadogo Alimasi wa Police Karekezi Olivier yatsinze igitego cya mbere cya APR.

Mbere y’uko igice cya mbere kirangira, Kagere Meddy wari wagarutse nyuma yo guhagarikwa umukino uheruka, yakorewe ikosa mu rubuga rubuga rw’amahina n’umunyezamu Nkunzingoma Ramadhan wa APR maze yinjiza neza Penalty yari ahawe, igice cya mbere kirangira ari 1-1.

Mu gice cya kabiri nibwo hahindutse byinshi, ku munota wa 56 Kabange Twite yatsinze igitego cya APR cya kabiri. Ntibyatinze kuko ku munota wa 74 Laudy Mavugo wa Police aracyishyura, ndetse aza gushyiramo icya gatatu cya Police, APR itigeze ibasha kwishyura kugeza umukino urangiye.

APR yabanjemo; Abahagaze uhereye ibumoso: Karekezi Olivier, Alex da Oliveira, Mugiraneza JB, Habib Kavuma, Ngoma Hegman, Papy Faty. Abunamye uhereye ibumoso: Ngabo Albert, Kabange Twite, Nkunzingoma Ramadhan, Iranzi JC na Mbuyu Twite

Goran Popanovic, umutoza w’ikipe ya Police nyuma y’umukino yatangaje ko ashimishijwe cyane no kuba arangije phase aller ari uwa mbere. “Nta kintu kiza kandi nko kuba ntsinze ikipe ya APR bwa mbere kuva ntoza Police, tugiye gushaka uko tuguma kuri uyu mwanya” Goran

Naho umutoza wa APR, Ernest Brandts we yagize ati: ” Gukora amakosa nkayo twakoze mub’inyuma ntakuntu ikipe nka Police itagukosora, ndayishimira kuko yadutsinze iturusha”