‘Phase retour’ yatangiye ikomerera ibigugu usibye Mukura VS
Police FC, Kiyovu Sports, Rayon na APR ari nako zakurikiranaga ku rutonde nta n’imwe yabashije gutsinda umukino w’umunsi wa 14 wa shampionat, usibye kunganya imikino zakinnye, Kiyovu yo yanatsinzwe. Mukura VS niyo ibashije kubona amanota atatu kuri iki cyumweru.
Kuwa gatandatu, ikipe ya Police nyuma yo gutsinda ibitego bibiri ku busa bwa La Jeunesse harimo n’igitego cya Kagere Meddie ku mukino we wa mbere agarutse, ikipe y’umutoza Okoko Godfrey yaje kubyishyura umukino urangira gutyo.
Naho ikipe ya APR yari yagiye i Rubavu ntiyoborohewe na Marines ariko ibasha kuhavana inota rimwe zinganyije 0 – 0.
Kuri icyi cyumweru, nibwo indi mikino itanu y’umunsi wa 14 watangije phase retour yabay, muri iyo mikino itatu amakipe yayinganyije ibiri niyo gusa zatsindanye.
Kiyovu yari iri ku mwanya wa kabiri, yahuye n’uruva gusenya i Rusizi ihatsindirwa igitego 1 ku busa.
Rayon Sports nayo ntibyayoroheye kwikura i Nyamagabe kuko kuri Penalty ya Fouadi Ndayisenga mu gice cya kabiri niho bishyiriye igitego Amagaju nayo yari yabatsinze mu gice cya kabiri umukino urangira bagabanye amanota i Nyagisenyi.
Naho ikipe ya Mukura Victory Sport yabashije kuvana amanota atatu kuri stade de Kigali i Nyamirambo ku gitego cyatsinzwe n’umukinnyi wayo Papy, imbere y’ikipe ya AS Kigali yari mu rugo.
Uko umunsi wa 14 wa shampionat wagenze:
Kuwa gatandatu
La jeunesse 2-2 Police FC
Marines 0-0 APR FC
Ku cyumweru
Espoir 1-0 Kiyovu Sports
Amagaju 1-1 Rayon Sports
Muhanga 0-0 Etincelles
Musanze 0-0 Isonga
As kigali 0-1 Mukura
Urutonde rw’agateganyo:
No | AMAKIPE | P | W | D | L | F | A | GD | PTS |
1 | POLICE | 14 | 8 | 5 | 1 | 19 | 9 | 10 | 29 |
2 | RAYON S. | 14 | 8 | 2 | 4 | 26 | 17 | 9 | 26 |
3 | KIYOVU | 14 | 8 | 2 | 4 | 13 | 11 | 2 | 26 |
4 | APR | 14 | 6 | 7 | 1 | 18 | 9 | 9 | 25 |
5 | AS KIGALI | 14 | 7 | 4 | 3 | 14 | 6 | 8 | 25 |
6 | LA JEUNESSE | 14 | 6 | 4 | 4 | 17 | 15 | 2 | 22 |
7 | MUSANZE | 14 | 4 | 8 | 2 | 14 | 10 | 4 | 20 |
8 | MUKURA | 14 | 4 | 5 | 5 | 10 | 11 | -1 | 17 |
9 | ESPOIR | 14 | 5 | 2 | 7 | 9 | 13 | -4 | 17 |
10 | AMAGAJU | 14 | 4 | 3 | 7 | 13 | 17 | -4 | 15 |
11 | MARINES | 14 | 3 | 3 | 8 | 6 | 15 | -9 | 12 |
12 | MUHANGA | 14 | 3 | 3 | 8 | 5 | 16 | -11 | 12 |
13 | ETIENCELLES | 14 | 2 | 4 | 8 | 8 | 15 | -7 | 10 |
14 | ISONGA | 14 | 1 | 6 | 7 | 9 | 16 | -7 | 9 |
UM– USEKE.COM