PGGSSIII: 6 basezerewe, ese ninde uzagitwara?

CHIEF EDITOR
07/28/2013

Nyuma y’ibitaramo byazengurutse Intara zose n’Umujyi wa Kigali, amagambo yavuzwe, amasezerano n’indahiro zarahiwe n’abahanzi 11 nyuma yo kwinjira mu irushanwa rya Primus Guma Guma Super Star (PGGSS) III, abahanzi Fireman, Danny Nanone, Christopher, Bulldogg, Senderi International Hit na Kamichi basezerewe, Mico Prosper aka The Best, Knowless, Riderman, Dream Boys na Urban Boys bakomeje.

Platini na Knowless bategerezanyije amatsiko menshi

Ubu guhatana hagamijwe kureba uzegukana PGGSS III bisigaye hagati ya batanu gusa, kabone n’ubwo bano batanu bakomeje bose bazahembwa.

Ku ruhande rw’abavuyemo, bamwe batangaje ko ntacyo bibatwaye, abandi bavuga ko babaye, abandi bavuga ko barenganyijwe.

Abaraperi babarizwa mu itsinda rya Tough Gangs Bulldogg na Fireman, na mugenzi wabo Senderi, mu magambo bavuze bamaze gusezererwa muri PGGSS III, buri umwe yagaragaje ko atishimye kuba avuyemo ndetse ntibanatinya kugaragaza ko bari bakunzwe na rubanda kandi banaririmbye neza ariko bakaba badakomeje.

Senderi yavuze ko mu muziki nyarwanda harimo akarengane gakabije ndetse anasaba inzego zishinzwe kureberera abahanzi na Leta kuzakemura icyo kibazo.

Abigererenya n’ibihembo bya Salax Awards ngo yarushaga umuhanzi amajwi agera mu bihumbi bitandatu ariko bakamwima igikombe none n’abakemurampaka (judges) bo muri PGGSS ari nabo yibanzeho cyane bakaba badatumye akomeza kandi yararirimbye neza ndetse yari afite n’abakunzi benshi.

Mugenzi we Kamichi wavuze amukurikiye, ati “Njye natsinzwe kandi muri iyi PGGSS ntabujura cyangwa amanyanga byabayemo, n’Abanyarwanda badukurikiye ntibagire ngo muri iri rushanwa habayemo uburiganya.”

Kamichi yemeye ko abatsinze hari icyo bamurushije ndetse aranabashima ariko kandi ananenga abahanzi bamubanje imbere ku magambo bavuze we afata nk’atesha agaciro umuziki nyarwanda.

Danny Nanone we yavuze ko no kuba aza mu bahanzi 10 bazwi mu gihugu kandi bakunzwe ari iby’agaciro kandi yizeye ko n’ibindi bikiza.

Christopher byanagaragaraga ko yababaje n’abahanzi bagenzi be kuba atakomeje nk’uko bagiye babivuga mu mvugo zabo, yavuze ko atazacika intege kuko ngo icyo azaba bagendana.

Muri rusange yaba abakomeje n’abasigaye bashimiye itangazamakuru n’amazu atunganya imiziki bakoreramo, banashimira abafana babo babashyigikiye.

Abakomeje by’akarusho bo banashimiye Imana, nka Mico yahise anatangaza ko afite indirimbo nshya ashimira Imana ukuntu yamukuye ku mushogoro none ikaba imugejeje ku ma “Bleu Band”.

Abahanzi bari muri PGGSS III bari 11, ubu hasigayemo batanu bagikeneye gushyigikirwa kugira ngo haboneke uzagitwara.

Ariko kandi bisa n’aho guhangana kw’inzu zitunganya umuziki kwavuzwe mu irushanwa ry’uyu mwaka kurushijeho gukomera kuko nta muhanzi udafite inzu abarizwamo wakomeje, bigaragara ko zishobora kuba zibashyigikira bigaragara.

Mico Prosper na Urban Boys bakorera muri The Super Level, Knowless na Dream Boys bakorera muri Kina Music naho Riderman akabarizwa mu Bisumizi ari nawe ubiyoboye.

Ninde uzagitwara?

Mico niwe wa mbere wakomeje urugendo rwo guhatana muri PGGSS3

Senderi international hit ati "Nubwo nsezerewe sinemeranya n'akanama nkemurampaka, akarengane gasigaye mu muziki." — Senderi international hit ati “Nubwo nsezerewe sinemeranya n’akanama nkemurampaka, akarengane gasigaye mu muziki.”

Hamble(Urban Boys) ati "Ni amashimwe menshi kuba dukomeje" — Hamble(Urban Boys) ati “Ni amashimwe menshi kuba dukomeje”

Nyuma y'ubwoba buhagije bagaragaje , bwabaviriyemo ibyishimo kuko nibo bahamagawe bwanyuma nk'abahanzi bagiye gumeza muri iri rushanwa — Nyuma y’ubwoba buhagije bagaragaje , bwabaviriyemo ibyishimo kuko nibo bahamagawe bwanyuma nk’abahanzi bagiye gumeza muri iri rushanwa

Bulldog nawe wasoje urugendo yavuze ko atishimiye uburyo yavuyemo

Christopher wigaragaje cyane mu buhanga bwa Live nawe yasezerewe ariko yagize ati "Icyo umuntu azaba baragendana" — Christopher wigaragaje cyane mu buhanga bwa Live nawe yasezerewe ariko yagize ati “Icyo umuntu azaba baragendana”

Danny nawe wasezerewe ati "Ibyiza biri imbere" — Danny nawe wasezerewe ati “Ibyiza biri imbere”

Uyu ni umunyamategeko wa PGGSS azanye ibahasha irimo abagomba gukomeza urugendo rwo guhatanira pggss3 — Uyu ni umunyamategeko wa PGGSS azanye ibahasha irimo abagomba gukomeza urugendo rwo guhatanira PGGSS3

Yashyikirijwe icyemezo cyo kuba yaritabiriye amarushanwa

Aha Knowless arashima nawe kuba akomeje muri iri rushanwa

Aha Mico arashima Imana ndetse n'abamiutoye agira ati '' Imana inkuye ku cyavu'' — Aha Mico arashima Imana ndetse n’abamutoye agira ati ” Imana inkuye ku cyavu”

Indoro ya Christopher iragaragaramo ubwoba buhagije

Fireman wasezerewe mu marushanwa ashimira kuba yarabashije kwitwara neza muri aya marushanwa nubwo adakomeje — Fireman wasezerewe mu marushanwa ashimira kuba yarabashije kwitwara neza muri aya marushanwa n’ubwo adakomeje

Kamichi ati nubwo ntakomeje muri iri rushanwa ndi rutindukaninkubito mu muziki kandi ndi n'umwanditsi mwiza cyane . — Kamichi ati “Nubwo ntakomeje muri iri rushanwa ndi Rutindukaninkubito mu muziki kandi ndi n’umwanditsi mwiza cyane.”

Mu gushimira yaririmbye Riderman yaririmbye indirimbo ya Alexis Dusabe igira iti "Uwiteka niwe mungeri,...." — Mu gushimira, yaririmbye Riderman yaririmbye indirimbo ya Alexis Dusabe igira iti “Uwiteka niwe mungeri,….”

Dream Boys nabo bashimye Imana cyane mu majwi yabo meza

Platini(Dream Boys) na Knowless bari bategerezanyije amatsiko menshi kemenya niba bakomeza cyangwa basigara

Vénuste Kamanzi
UM– USEKE.RW

0 Comment

Nibishaka irene says:
07/28/2013 at 02:47

Narabivuze urban yagezeyo murekere

Irene says:
07/28/2013 at 02:50

Micowe twereke ibitangaza dore ugezeyo

Nibishaka irene says:
07/28/2013 at 03:01

Nkumufana wa Urban boyz narimbyiteze Imana Ihabwe icyubahiro

Nibishaka irene says:
07/28/2013 at 03:07

Mbega byiza urban boys iranshimishije swaggz

muhozipa says:
07/28/2013 at 03:07

mwali mukwiye kuzajyanamo MASOEUR Epiphanie titulaire wa Cornum kimisagara akiga urukundo kuko ntarwo agira ubanza avuka mumuryango wabatindi

uwacu says:
07/28/2013 at 04:48

Senderi ba bakinnyi yari yemereye Rayon se azabugura iki ko byamurangiranye!Nakomeze yihangane Rayon yarangije kubigurira.

VALERY says:
07/28/2013 at 05:48

Mu irushanwa pggss3,nashimishijwe na resultats z’abahanzi basigaye mu irushanwa!Ariko ndumva RIDER ZOO azayitwara.Naho mureke abiha gusebanya kuko ntibashoboye.

Habisrael says:
07/28/2013 at 06:13

Ni byiza abasore batatu mbifurije amahirwe, The swagger super level boyz oyeeeeeee!!!!!!

leonardo says:
07/28/2013 at 06:31

Nukuri utsinzwe ajye yemera ko atsinzwe kuko ntabwo 11 persone ariko bose bagomba gukomeza,buri wese yakoresheje imbaraga zishoboka ariko rero nanone ni abakunzi ba muzika twabashyigikiye ibyo bifasha na ba judges gutanga amanota.abatsinzwe bihangane kndi big up ku bakomeje.

dan says:
07/28/2013 at 07:10

Igisumizi cyafoye umuheto mutange akayira mwagacwa mwe

GAPA says:
07/28/2013 at 07:53

senderi natahe nibyo akwiye nta bujura bwabayemo.ubundi bayihe igisumizi rider

simple man says:
07/28/2013 at 08:32

Senderi yabonaga abantu baseka ububwa akora akagirango baramukunze!!!!!!!

kalisa says:
07/28/2013 at 08:48

abasigayemo bari bakwiye rwose usibye rider man niwe wagombaga kuvamo kuko ntacyo aririmba kuko aba asakuza nkikimasa cyabira ntacyo azirwose.

faustin says:
07/28/2013 at 09:04

aba bahanzi bose ni abahanga kdi turabemera pe!.ariko bamenye ko mu bahanga hagomba kuvamo uwa mbere.

Rugwe says:
07/28/2013 at 09:10

Dusabye HIT kutitesha agaciro imbere y’abakunzi be. Amagambo makye ibikorwa byinshi. Ngaho nadusobanurire uwo arusha muri bariya batanu basigaye.
- tshally says:
  07/28/2013 at 10:28
  
  Mr Senderi, mwishuli iyo abanyeshuli bakora ikizamini, buriwese yumvako ibyo yakoze aribyo biribyo.Judges/mwalimu niwe ukosora. none niba warenganye, waba usanzwe ufite umwanya wakangahe mumuziki nyarwanda? ese waba ariwowe N0:1 mubahanzi u Rwanda rufite? gutsindwa biraharanirwa, kandimuri 11 bose hagombaga kubonekamo abo bashakaga, no kumunota wanyuma hazasigara umwe muri bariya bose

Senderi's friend says:
07/28/2013 at 09:46

Hahahahahahaaaaa! Yewe Senderi we, byonyine no kuba warabonetse muri 11 ni amahirwe wagize, sinzi kata byaciyemo. Reka itiku kuko watsinzwe kandi si ubwa mbere utsindwa. Mbese ntunibuka ko uhatana n’abajeunes kandi wowe ushaje?

Bizengarame says:
07/28/2013 at 10:22

Twebwe aba rayons ntimukatwitwaze twe tuzongera gukunda umuziki impala zazutse

Pusi says:
07/28/2013 at 10:33

Senderi ugomba kugira sportivité,gutsindwa biguha kwireba aho ufite inenge ukahakosora kugirango ubutaha uzakomeze,naho ibyo uvuga ntibigufasha na gato.

Bosco says:
07/28/2013 at 10:42

Senderi nange njya nkwemera ariko ihangane rwose bariya basigayemo barakurusha pe gabanya amagambo udacumura ukamera nka Jay Poly kandi ntawakugereranya nawe kuko rwose wowe ufite uburere turabizi nahubutaha nuba ugishoboye Gasenyi ikwihanganire wari warayemereye abakinnyi none biranze ubutaha uge wirwariza ntugashakishirize henshi hadafite umumaro abasigaye courage ariko Butera rwose ndagusabye ugerageze utware kiriya gihembo ndagushyigikiye cyane

albert says:
07/28/2013 at 10:52

mbega !!! senderi yihangane!! ariko kandi hip hope ntabwo ikunzwe mu rwanda!! urban boys hoye!!!

KAMANZI says:
07/28/2013 at 11:37

Faustin sinanditseho aho nayikuye? n’uko Plaisir yari atarampa amafoto, ariko njye nakoze nk’umuntu w’umuprofessional nquoting Igihe
- sarah says:
  07/28/2013 at 12:46
  
  Kamanzi you could have done better nukuri..I am so disappointed in you guys..ifoto imwe koko??

karenzi says:
07/28/2013 at 11:48

senderi wee!!! kudasoma nukunyagwa zigahera! bariya bana bakora umuziki baciye no mwishuri. ihangane rero ubanze wige!

MAN says:
07/28/2013 at 12:04

Mico p muri 5 ba mbere?!! FireMan, christopher,bull dog ntabarimo?!! Judges wee!!! PGGSS wee!! ni super star uri gushakwa cg ni ikindi?! niba ari no gucuruza byeri mushaka, mwayobye kare mudashyiramo Jay Polly kuko nta super star dufite umurenze, kandi yanatumaga mucuruza cyane. muratubihirije kabisa!le monde est injuste et kelkefois aveugle

sarah says:
07/28/2013 at 12:43

ifoto imwe ntabwo yari ihagije kuri iyi nkuru!Plaisir yari agashoboye sinzi aho yanyarukiye

rata says:
07/28/2013 at 13:12

Bishoboke ko Senderi atize cyangwa ubuhanzi bwaramugwiririye kuko nta muntu ufite ubu professionalism wavuga mu ruhame amagambo nkayo yavuze Senderi we jya wemera ko watsinzwe kandi wite cyane ku cyatumye utsindwa nibwo ubutaha uzatsinda naho nukomeza gtya ntaho uzagera

rata says:
07/28/2013 at 13:15

Ubundi niyo waba warenganye singombwa ko ubivuga kandi bitari buhinduke ahubwo shaka uburyo nawe ubutaha bazakwibira niba ariyo kata bakoresha naho kubivuga muruhame ni 4

Dada city says:
07/28/2013 at 14:13

Rwose reka tujye tugirana inama.senderi ibi bintu bya musika bivemo ujye kwigurira isambu uhinge kuko nibyo bikubereye naho ubundi uzicwa n’agahinda

ndagijimana serge says:
07/28/2013 at 14:29

pggss naburiganya burimo abavuyemo bari bakwiye kuvamo barasabwa kwemera nka kamich numuntu wu mugabo yemeye igikombe ndagiha urban boyz na rider man arinkajye ufite ubushobozi nagiha cyane igisumiz nubwo aricya urban boyz thx?

kalisa says:
07/28/2013 at 15:16

rider man ntiyagombaga kuzamo rwose ntacyo azi.iyo aririmbye wagirango ni ikimasa cyabiye,.iyo avuze ihene zishobora guca ibiziriko kubera ijwi ribi zikaba zakwikanga.

claudine says:
07/28/2013 at 17:26

Senderi we nakugira inama yo kujya uvuga amagambo make kuko amenshi yerekana ubwenge buke ufite.ntiwumvise umuntu wumuhanga amagambo yavuze(Kamichi)

kadogo says:
07/28/2013 at 20:41

senderi twagukundaga none kutemera kowatsinwe turakwanze umuhanga ntavuga kuriya ahubwo umuhanga avuga nkakamishi ubwonawe ahowikarasa urahumva.

mahoro says:
07/28/2013 at 22:17

ntibyoroshye pe ariko abantu bajye bimenya kandi baharanire kwirinda kuvuga ibyo badafitiye gihamya.Senderi nta muhanzi umurimo rwose(jye mbona ari umuntu wikundira umuziki gusa) sinzi na hariya uko yahageze yari akwiye kubitangira igishimo(niko jye mbibona si ihame).

Kayigema says:
07/28/2013 at 22:18

Yoooo turasabira Knowles witwaye neza agategura igitaramo kye neza amahirwe yose ajye iweee , Uwi mwana yahanganye nabenshi ariko azatsinde bizadushimisha peeeeeeee..Riderman ntakigenda arabira wamugani…..Knowless amazina yanjye nyayo Ni Mitari…turagusabira tukurinyuma niwowe duha 24 million uzaguremo inzu urakoze

tel says:
07/29/2013 at 08:27

Yabababab!!! Senderi rwose nuko yanze guhinga cg ubushoferi naho nta muziki we! This time ni Dream Boyz kabisa cyeretse nihamo amarangamutima.

Kali says:
07/29/2013 at 08:44

Umwanya wa Christopher kuki bawuhaye Mico koko! nta kundi ariko tu! byarangiye

umukambwe says:
07/29/2013 at 11:34

ikibazo senderi yagize n’uko yizeye abalayon kandi nabo nta kizere nabo bigirira ubwo rero urumva ko wayobye kare ukeneye ikosora

bill says:
07/29/2013 at 11:48

Senderi gutsirwa bibaho, kandi no gutsinda bibaho, emera ko warushijwe nibyo byerekana ubutwari. nawe ubutaha ushobara kuzitwara neza, ugende ubaze Kamichi umubaze aho yakuye ikinyabupfura kandi jye nkubwize ukuri ikinyabupfura nicyo kiza mbere yibindi byose. Kamichi n’Umugabo, yerekanye ko yasomye. Imana izamufashe kuko biriya siho ubuzima bugarujira.

keza says:
07/29/2013 at 12:32

genda mico uranyumije;ngo ugiye gusohora indirimbo ngo”yagukuye ku mushogoro w’i muhambara.
Ihangane bwana singombwa ko bose bamenya iwacu ni heza!!!!

Matsiko Friday says:
07/29/2013 at 15:00

Usibye Mico watwaye umwanya wa Christopher cyangwa Kamichi,abasigaye bose barakwiye!N’ubwo uriya mwari agitwaye bitambabaza, ariko abo nifuriza amahirwe kurusha abandi ni bariya basore 3: Urban Boys, Swagger Boys, Beau gars, mbakunda ntacyo mwampaye, ndabashyigikiye, oyeeeeeeeee!!!

matsiko friday says:
07/29/2013 at 15:11

Mutwibutse uburyo bwo gutora bwose kugirango abafana duhe amahirwe abakunzi bacu, Urban Boys ariko nabibaburiyeho!!!

sebera ferdinand says:
07/29/2013 at 15:20

URBAN BOYZ OYEEEEEE, SUPER LEVEL SUPER SWAGA BIG UP!!!!!!!!!!!!!!

KALISA says:
07/30/2013 at 11:09

YEBBAA WE KNOLESS NYAMUNEKA NATORWE NDAMUSHYIGIKIYE

mataro paulin says:
07/31/2013 at 15:26

njyewe nongeye gusaba knowless gushyira imbaraga muri vocal ,akanashaka ubutumwa bwigisha societe n’akora ibyo byombi azatsinda,natabikora basi ubuze iy’iburyo akama ay’ibumoso bazapfe gutora dream boys!

amour interdit says:
08/04/2013 at 15:15

Ariko ubundi Senderi yari yageze muri PGGSS ate ahubwo ko byandenze? ntaririmbamu by;ukuri araganira biba byanshobeye!!abatora abahatana bage babanza bashishoze

Comments are closed.

Share this:

0 Comment