Perezida Kagame yizeje ubufatanye abayobozi bashya barahiye

CHIEF EDITOR
02/08/2017

Clare Akamanzi warahiriye kongera kuyobora ikigo cy’igihugu cy’iterambere RDB

* Bwa mbere umugabo n’umugore we barahiriye imirimo mishya imbere ya Perezida

Kimihurura – Mu ngoro y’Inteko Ishinga amategeko Perezida Kagame amaze kwakira indahiro z’abayobozi bashya baherutse kwemezwa n’Inama y’Abaminisitiri hamwe na Senateri mushya Dr Richard Sezibera uherutse gutorerwa guhagararira Intara y’Amajyepfo muri Sena.

Clare Akamanzi warahiriye kongera kuyobora ikigo cy'igihugu cy'iterambere RDB — Clare Akamanzi warahiriye kongera kuyobora ikigo cy’igihugu cy’iterambere RDB

Clare Akamanzi wongeye kugirwa umuyobozi w’ikigo cy’igihugu gishinzwe iterambere (RDB) ni we warahiye mbere, akurikirwa na Senateri Dr Richard Sezibera.

Bakurikiwe n’Umushinjacyaha mukuru wa Republika y’u Rwanda Jean Bosco Mutangana hamwe n’Umucamanza mu rukiko rw’Ikirenga Richard Muhumuza wasimbuwe n’uyu Mutangana barahiriye rimwe.

Nyuma yabo hakurikiraho Umuyobozi w’Urwego rw’igihugu rw’imiyoborere, RGB, Prof Shyaka Anastase n’umwungirije mushya Dr Usta Kayitesi, uyu akaba umugore wa Richard Muhumuza barahiriye rimwe inshingano nshya bahawe.

Perezida Kagame mu ijambo rye yavuze ko aho igihugu kiva n’aho kijya hazwi igisigaye ari ukuzuza inshingano kikihuta.

Perezida yavuze ko u Rwanda rufite urugendo rurerure mu nzego nyinshi ariko kugera ku ntego bishoboka iyo abantu bakoreye hamwe.

Yasabye aba bayobozi gushakira igihugu ubushobozi haba mu burezi, mu buzima, mu buhinzi n’ibindi bikarushaho kwihuta.

Yongeyeho ariko ko ishingiro rya byose ari umutekano. Ati “ku neza no ku ngufu tugomba kuwushakira Abanyarwanda kuko ubuze ibindi byose ntabwo byashoboka.”

Asoza yizeje aba bayobozi bashya ubufatanye mu nshingano bahawe kuko ngo batazakora bonyine.

Clare Akamanzi, Dr Ricahrd Sezibera, Muhumuza na Mutangana mbere gato y'uko barahira — Clare Akamanzi, Dr Ricahrd Sezibera, Muhumuza na Mutangana mbere gato y’uko barahira

Umugore n'umuhungu ba Prof Shyaka bari baje kumushyigikira — Umugore n’umuhungu ba Prof Shyaka bari baje kumushyigikira

Dr Sezibera arahirira kuba umusenateri uhagarariye Intara y'Amajyepfo usimbura Sen Jean de Dieu Mucyo — Dr Sezibera arahirira kuba umusenateri uhagarariye Intara y’Amajyepfo usimbura Sen Jean de Dieu Mucyo

Dr Usta Kayitesi na Prof Shyaka barahira

Dr Usta Kayitesi wari umuyobozi wa Koleji ya CASS ya Kaminuza y'u Rwanda arahirira imirimo mishya — Dr Usta Kayitesi wari umuyobozi wa Koleji ya CASS ya Kaminuza y’u Rwanda arahirira imirimo mishya

Prof Shyaka arahirira kuba umuyobozi w'ikigo RGB cyavuguruwe n'itegeko — Prof Shyaka arahirira kuba umuyobozi w’ikigo RGB cyavuguruwe n’itegeko

Umushinjacyaha mukuru wa Republika Jean Bosco Mutangana nawe arahira

Perezida Kagame mu ijambo yagejeje ku bari mu Nteko

Perezida Kagame yizeje aba bayobozi ubufatanye

Prof Shyaka n'umuryango we na Perezida Kagame — Prof Shyaka n’umuryango we na Perezida Kagame

Dr Sezibera n'umuryango we na Perezida Kagame — Dr Sezibera n’umuryango we na Perezida Kagame

Jean Bosco Mutanga n'umuryango we na Perezida Kagame — Jean Bosco Mutanga n’umuryango we na Perezida Kagame

Clare Akamanzi n'abo mu muryango we — Clare Akamanzi n’abo mu muryango we

Richard Muhumuza n'umugore we Dr Usta Kayitesi barahiriye rimwe hamwe n'umuryango wabo na Perezida Kagame — Richard Muhumuza n’umugore we Dr Usta Kayitesi barahiriye rimwe hamwe n’umuryango wabo na Perezida Kagame

Photos/Village Urugwiro

Ange Eric HATANGIMANA
UM– USEKE.RW

17 Comments

Alice says:
02/08/2017 at 12:54

Murakoze nyakubahwa President wacu Paul Kagame, kwakira impanuro z’abayobozi bacu, tuzakorana nabo neza kandi tubafashe muri byose.

Mimi says:
02/08/2017 at 13:55

Courage ku mirimo mishya bayobozi.

Congratulations kuri Usta n’umugabo wawe, ni agashya
- BenbellaNS says:
  02/08/2017 at 15:34
  
  Ni abakozi shahu…! MY role models

Ngabo says:
02/08/2017 at 18:41

Mudushirereho imyirondoro: Ibyo bize, abo bashatse, umubare w’abana bafite, ubunararibonye(exprience) zabo muri politiki n’ibindi
- Mutwe says:
  02/08/2017 at 20:49
  
  Nanjye nibyo nashakaga kuvuga.Bokujya badukubita abantu hejuru tutaziyo bava niyo bagana.

william says:
02/09/2017 at 08:36

ubufatanye hagati y’inzego zitandukanye z’abayobozi b’u Rwanda nibwo buteje imbere imiyoborere myiza iranga iki gihugu cyiza! rero ntagushidikanya ko n’aba ngaba bazahabwa ubufasha mu mikoranire yabo n’izindi nzego zitandukanye!

ruto says:
02/09/2017 at 08:37

iteka mpora nshimira Nyakubahwa Perezida wa Repubulika Paul Kagame k’inama nziza ndetse n’ubufatanye mu nzego z’imiyoborere y’u Rwanda! bityo bituma habamo ubwuzuzanye muri byose!

Mucyo Jacques says:
02/09/2017 at 08:40

Umusaza Paul mukundira ko akunda gukorana na bajeune njya nibuka muri leta zabanje ukuntu wasangaga abayobozi hafi 90% ari abasaza nkibaza icyari cyarabuze ngo nabajeune nabo bagirirwe ikizere kikanyobera! ariko ndebera uyu mwana w’umukobwa Nyakubahwa Clare Akamanzi umwanya aba ahawe! baragira bati akaba na member of cabinet mubyukuri ni umwanya ukomeye cyane kuba uwa wahawe umukobwa ukiri muto byakongeraho ko ari numukobwa ubwabyo bisobanuye byinshi!

manzoki says:
02/09/2017 at 08:42

imvugo niyo ngiro umusaza impano yabanyarwanda tukuri inyuma rwose ntawusimbura ikipe itsida gusa bajye bakwigiraho kuko uri ikitegererezo gahore kungoma gahunda ni yayindi mu kwa munani turagutegereje

Musana Joel says:
02/09/2017 at 08:43

Nanjye ntyo bwana Perezida, twe abaturage tubakeneyeho umutekano kurenza ibindi byose! ni muturinda ubugizi bwanabi umuntu utwo yikorera akadukora nta nkomyi nababwira iki wenda muzashyireho ubwami mba ndoga Rwoga nzabagwinyuma!

bibi says:
02/09/2017 at 08:43

u Rwanda rufite uburyo bwiza kandi bwihariye bw’imiyoborere myiza, byose bikomoka ku bufayanye hagati y’abayobozi b’inzego zitandukanye ndetse bigatanda umusaruro ku gihugu! ibi bikaba ari ibyo gushimwa kandi bigashyigikirwa bikanaba umuco n’umurage!

Habimana Samuel says:
02/09/2017 at 08:46

RGB nitagera kunshingano ndakeka ntacyo izabona yitwaza! ishobora kuba igiye kuba ikigo cya mbere mu Rwanda kigiye kuyoborwa n’impunguke kurenza ibindi byose tugira, ibaze nawe kuba kigiye kuyoborwa na Proffessor akungurizwa na Doctor ni igitangaza gikomeye aho nyamara hari ibindi bigo biyobowe na za Masters gusa gusa!

Sekamana Jean D'Amour says:
02/09/2017 at 08:51

Perezida Kagame genda uri incabwenge wa mugani w’abarundi! washishoje neza guha umwnya ukomeye Mutangana, uyu mugabo ni inyangamugayo kuburyo bufatika kuva murugo iwe kugera mukazi kose yagiye akora, yarakwiriye umwanya nkuyu kuko usaba ubushishozi n’ubunyangamugayo bwo hejuru.

Irakoze Gislaine says:
02/09/2017 at 08:55

Umusaza ndakwemera! nkunda iyo uri kugira inama team muyoborana uba ubona rwose bikurimo mbega ukora nkuwikorera koko ntawe usiganya! mzhe tukurinyuma nawe ukatuba imbere hakiyamungu niwowe 2017 ntawundi!

Rwabugiri says:
02/09/2017 at 09:55

Ni byo koko u Rwanda rufite urugendo rurerure mu nzego nyinshi ariko kugera ku ntego bishoboka iyo abantu bakoreye hamwe.Aba bagiriwe icyizere nibafatanya na Perezida wacu tuzaabigeraho

luke says:
02/09/2017 at 11:24

Good luck

MATESO JEAN says:
02/09/2017 at 15:04

MAMAN WACU DR. USTA KAITESI TUMWIFULIJE ISHYA N’IHIRWE MU MILIMO MISHYA YAHAWE, TUZAJYA TUM– USENGERA, IMANA IMWONGERE UBUSHISHOZI KUKO ARABUSANGANYWE, IMANA IMUHE KANDI IMWONGERE UBWENGE KUKO ABUSANGANYWE, KANDI IMANA IMUHE IMIGISHA YAYO.
May God bless our country, Rwanda.
Sé, Mateso Jean, Community engagement Officer at the UR, CASS.

Comments are closed.

Share this:

17 Comments