Perezida Kagame yayoboye urubyiruko muri ‘Walk to Remember’

CHIEF EDITOR
04/08/2013

Kuri iki cyumweru Perezida Kagame ari imbere y’urubyiruko ibihumbi bakoze urugendo rwo kwibuka rwahereye ku nteko nshingamategeko y’ urwanda ( Gishushu) bagana kuri stade Amahoro i Remera.

Paul Kagame n'urubyiruko muri Walk to Remember — Paul Kagame n’urubyiruko muri Walk to Remember

“Walk to Rembember” nkuko babyise, ni umuhango wo kwibuka abazize Jenoside yakorewe Abatutsi aho abayobozi bakuru bifatanya n’urubyiruko n’abandi bose muri uru rugendo bakora mu mutuzo bibuka amateka mabi yabaye ku Rwanda.

Bageze kuri stade Amahoro, perezida Kagame yahaye urumuri urubyiruko maze bararuhererekanya rukwira stade yose. Hakurikiyeho imivugo ya bamwe mu rubyiruko, imivugo yaherekejwe n’amazina y’abantu 100 bazize Jenoside.

Ahagana saa kumi n’ebyiri n’igice z’umugoroba Dr Jean Pierre Dusingizemungu uyobora IBUKA mu Rwanda yavuze ijambo aho yagarutse ku bimaze kugerwa mu gufasha abarokotse Jenoside n’ubwo ngo hakiri ibikenewe gukorwa byinshi.

Yavuze ko havuwe ibikomere w’umubiri basigiwe na Jenoside aho bakoresheje miliyoni 45 y’amafaranga y’u Rwanda mu bitaro bitandukanye, aho bagiye bita kubahungabanye ndetse banagiye bakurikirana imanza zarangiye ngo hishyurwe abiciwe, hanasanwa amazu y’abarokotse.

Nyuma y’ijambo ry’uyu muyobozi, saa 18h50 hagiyeho indirimbo y’abahanzi batandukanye nka Kizito Mihigo, Rehoboth Ministries, Ambassadors of Christ, Grace ,Eric Senderi, Amy Band ndetse na Chorale de Kigali.

Mu butumwa bwose bwatanzwe, haba mu magambo no mu ndirimbo n’imivugo hagarutswe ku kwibuka no kuzirikana abazize Jenoside no guharanira kwigira no gukomeza ubuzima gitwari buri munyarwanda abiba imbuto y’amahoro.

Abato mu rugendo hamwe na Perezida Kagame

Urubyiruko rwitabiriye wabonaga rufite ubushake bw'ibyo rwajemo — Urubyiruko rwitabiriye wabonaga rufite ubushake bw’ibyo rwajemo

Misitiri w'itebe yari yamaze kuhagera ngo bifatanye — Misitiri w’intebe yari yamaze kuhagera ngo bifatanye

Abakuru b'ingabo na Police nabo bari bahageze — Abakuru b’ingabo na Police nabo bari bahageze

Urubyiruko rw'i mahanga narwo rurashaka kumenya kurushaho amateka y'u Rwnda — Urubyiruko rw’i mahanga narwo rurashaka kumenya kurushaho amateka y’u Rwanda

Ibihumbi by'urubyiruko byari byitabiriye urugendo — Ibihumbi by’urubyiruko byari byitabiriye urugendo

Perezida Kagame n'abandi bayobozi bagana mu byicaro — Perezida Kagame n’abandi bayobozi bagana mu byicaro

Baracana urumuri rw'ikizere — Baracana urumuri rw’ikizere

Afatanyije n'urubyiruko — Afatanyije n’urubyiruko

Bafite ikizere cyo kuzageza u Rwanda aheza kurushaho

Hari ikizere mu rubyiruko rw'u Rwanda — Hari ikizere mu rubyiruko rw’u Rwanda

Kuri stade urubyiruko rwenyegeza igishyito

Dr Jean Pierre Dusingizemungu mu ijambo rye

Kizito nawe aririmba ati "Umujinya mwiza" — Kizito nawe aririmba ati “Umujinya mwiza”

Photos/DS Rubangura & PPU

Daddy SADIKI RUBANGURA
UM– USEKE.COM

0 Comment

kotanira says:
04/08/2013 at 10:05

Gyenda Umuseke urahatubera twe turi kure yurwatubyaye. Inkuru zisobanutse hamwe na ma photos HQ high quality. Salute

KAKA says:
04/08/2013 at 11:32

NI BYIZA KUTUGEZAHO AMAKURU BT MUKUREHO AMAFOTO ABANTU BARI G– USEKA KUKO BITAJYANYE NIGIHE NDETSE N’IMPAMVU!!!!

ange neat says:
04/08/2013 at 11:53

thanks for the information……..big up to Umuseke

Bwiza says:
04/08/2013 at 12:05

Mushatse mwahangaira urwo rubyiruko imirimo.
Harya ngo “ni umujinya mwiza”. Nagira ngo abakoze ubwicanyi barabariwe?. Kwifotoza rimwe mu mwaka ntago biduha ibisubizo by’ubuzima bwa buri munsi. The youth whitout job is easy manipulated.

bobo says:
04/08/2013 at 14:31

we bwiza hari uwaba yaraje ku gutakira ko yabuze akazi? ikindi kubababarira nti bivuze kwibagirwa ibyo uvuga rero na mateshwa ibyo nawe urabizi
- Bwiza says:
  04/08/2013 at 20:15
  
  Nimudatekereeza urubyiruko ngo byibura umwana w’umunyarwanda agire umwuga ushobora kumubeshaho, ntaho mujya. Niba mwemera critically mind, mujye mutekereza kubyo abantu badatekereza nkamwe bavuga. Mufite inzika, nubwo mubiririmba mugashaka kubigira byiza.

Ineza says:
04/08/2013 at 17:20

@ bwiza.kubabarira bitandukanye kure no kwibagirwa.iyo batababarirwa nabo baba barishwe.cg ntamwana wabo wiga.na gira inka ntiba ibageraho ntanakazi na kamwe baba bemerewe kugeramo.
@ kaka,kwibuka si ukuzinga umunya.ntampamvu yo guhorana amarira.
- juju says:
  04/08/2013 at 18:14
  
  Ineza na Bobo!muri abantu babagabo cne aba bantu nmunsubirije uko nabyiyumvagamo!GBU!rwose kaka,wibuke ko turi kubaka icyizere cy’ubuzima bwejo hazaza,ntabwo twabikora rero dufunze isura kd nseka mbabaye ni umwana w’umunyarwanda,n’agahinda si uguhora urira!!!rimwe na rimwe tugomba kumwenyura n’abyo bigaragaza icyizere cy’ubuzima!naho wowe@Bwiza,nkwibarize?bazajya batwigisha kwihangira imirimo bahindukire banayiduhangire?kuki twe tutabyikorera?ibyo ni ukumenyera kuroberwa ifi kdi bahora batwigisha kuyirobera!
  - ineza says:
    04/08/2013 at 19:46
    
    yego rata juju.agahinda si uguhora urira.

RUKARA says:
04/09/2013 at 07:19

Iyi korari ntabwo ari Rehoboth ministries, n’iyo mu itorero bita Louange riba Igikondo. mukosore inkuru yanyu

Comments are closed.

Share this:

0 Comment