Perezida Kagame yasuye FIFA

Kuri uyu wa kane ubwo Perezida Kagame yari i Zurich mu Busuwisi yasuye ikicaro cy’impuzamashyirahamwe y’umupira w’amaguru ku Isi FIFA agirana ibiganiro n’umuyobozi wayo Gianni Infantino.

Umuyobozi mushya wa FIFA afitanye umubano mwiza n’u Rwanda.

Mu kwezi kwa kabiri uyu mwaka yasuye u Rwanda, atangiza imirimo yo kubaka Hotel nshya ya FERWAFA i Remera, ndetse anabonana na Perezida Paul Kagame amusanze aho yari ari mu mwiherero w’abayobozi bakuru i Gabiro baraganira.

Perezida Kagame uri iburayi mu ruzinduko rw’akazi, kuri uyu wa kane yageze i Zurich ku kicaro cya FIFA aganira na Gianni Infantino ndetse anasura inzu y’amateka y’umupira w’amaguru ku isi nk’uko bitangazwa n’ibiro by’umukuru w’igihugu.

Perezida Kagame yanahawe umwambaro (jersey) w’umupira w’amaguru w’icyubahiro na FIFA.

UM– USEKE.RW