Patrick Kanyamibwa yashyinguwe

CHIEF EDITOR
09/12/2014

12 Nzeri – Abantu bagera ku 1500 bari i Rusororo guherekeza Patrick Kanyamibwa witabye Imana kuri uyu wa gatatu azize impanuka yo mu muhanda. Yashyinguwe mu irimbi rya Rusororo mu karere ka Gasabo.

Mu kumushyingura abantu bose bamuvuzeho bagaragaje ubwitange, umurava no kudacika intege kwa Kanyamibwa.

Uyu munyamakuru witabye Imana ku myaka 32 yakoraga cyane ibikorwa bijyanye no guteza imbere abahanzi baririmba indirimbo zihimbaza Imana. Yize ibijyanye n’itangazamakuru akora ku mbuga za Internet zitandukanye, ku maradio atandukanye ubu yakoraga kuri Family TV.

Yitabye Imana ari gutegurana n’abandi amarushanwa ya ‘Groove Awards’ yo guhemba abitwaye neza muri muzika yo guhimbaza Imana.

Aimable Twahirwa wavuze mu izina rya bagenzi be yavuze n’akababaro ubwitange bwa Kanyamibwa, ubwo yavugaga ko mu kabwibwi ko kuwa gatatu bari mu nama yo gutegura ‘Groove Awards’ maze bakabura Projecteur. Kanyamibwa w’umurava n’ubwitange nta kiguzi yahise afata moto ngo yihute ajye kuyizana nyamara nibwo bwa nyuma bamuheruka.

Twahirwa ati “Nabonye atinze ho gato muhamagara kuri Telephone ye nitabwa n’umukobwa ambwira ko akoze impanuka na moto, nyuma y’akanya gato nibwo twamenye ko ashizemo umwuka.”

Umuhanzi Patient Bizimana nawe muri ayo masaha yo kuwa gatatu ahagana saa moya z’ijoro yari kuri Centenary House ahakorera Family TV, ari nayo Kanyamibwa yari asigaye akoraho, amutegereje kuko bari bafitanye ikiganiro.

Amasaha bahanye ageze nawe yaramuhamagaye bamubwira ko yakoze impanuka, nyuma gato abwirwa ko ashizemo umwuka.

Patrick Kanyamibwa yaherekejwe n’abantu benshi barimo urungano rwe, abo biganye n’abo bakoranye aho yanyuze henshi.

Yavukiye mu karere ka Gakenke akurira i Gikondo mu mujyi wa Kigali.

Asize umugore n’umwana umwe w’umuhungu ari nawe wamushyinguye.

Umuhanzi Aime Uwimana yaje kumucurangira bwa nyuma

Abantu benshi batabaye umuryango wa Kanyamibwa

Agahinda ni kose ku maso y'abari aha i Rusororo — Agahinda ni kose ku maso y’abari aha i Rusororo

Mukuru wa Patrick Kanyamibwa hamwe n'umugore we — Mukuru wa Patrick Kanyamibwa hamwe n’umugore we

Gitwari, umwana we Kenzo yicaye ku ntebe yemye yumva ibyo bavuga kuri se witabye Imana

Mushiki we aravuga uko yabanaga neza na musaza we n'ubupfura bwe — Mushiki we aravuga uko yabanaga neza na musaza we n’ubupfura bwe

Buri wese avuga ko ari umugabo wakundaga Imana wanakoraga ibikorwa biyiganishaho

Abahanzi Simon Kabera(ibumoso), Dudu umurundi aherutse gufasha muri concert ye na Patient Bizimana inyuma ye

Twahirwa aravuga ubwitange bwa Kanyamibwa wagiye agiye kubazanira Projecteur ntagaruke

Inshuti n'abavandimwe batabaye ari benshi — Inshuti n’abavandimwe batabaye ari benshi

Bamwe mu bo bariho bafatanya gutegura 'Groove awards' — Bamwe mu bo bariho bafatanya gutegura ‘Groove awards’

Ababyeyi ba Patrick Kanyamibwa mu gahinda kubura umwe mu bana babo

Mukuru wa Kanyamibwa aravuga kuri murumuna we watabarutse

Tijara Kabendera mu ntege nke ku rutugu rwa MC Tino

Miss Rwanda 2012 Aurore Mutesi (hagati) yaje guherekeza Kanyamibwa

Umwana we na nyina umuteruye barashyira indabo ku mva ya Kanyamibwa

Abo bariho bafatanye gutegura 'Groove Awards' ubu bamusezeye — Abo bariho bafatanye gutegura ‘Groove Awards’ ubu bamusezeye

Asize impfubyi n'umupfakazi — Asize impfubyi n’umupfakazi

Photos/Plaisir MUZOGEYE/UM– USEKE

Plaisir MUZOGEYE
UM– USEKE.RW

0 Comment

Fulgence says:
09/12/2014 at 15:40

Imana yakire uwatashye kandi abasigaye namwe mukomeze kwihangana.

Jean Claude Ndayishimye says:
09/12/2014 at 15:44

Imana imwakire mu bayo

fanny says:
09/12/2014 at 16:11

Imana imwakire mubayo kandi abasigaye mwihangane imana ibakomeze.

fanny says:
09/12/2014 at 16:17

Imana imwakire.kandi yihanganishe abo asize.

ange says:
09/12/2014 at 16:29

NTACYO MBONA NAVUGA ARIKO IMANA YONYINE IRABIZI.

Rwagtare Augustin says:
09/12/2014 at 20:07

Imana imwakire mubayo kdi abasize bihangane.

Fils says:
09/12/2014 at 20:31

Iruhukire mfura twakundaga urukundo urugwiro n’ubwitange wagiraga bibere isomo rikomeye twe dusigaye tuzusa icyivi cyawe .last your msg wampaye iPhoto yawe unshimira ugaragaza ibyishimo wamanitse inoki ebyeri ugira uti peace …..Rest in Peace brother

uwer says:
09/12/2014 at 22:18

Ako burya koko Imana itwara abeza kare nyine ikajya kubahemba inabarinda kwandavura.abandi nabo tukab tugihabwa chance zo kwisubiraho.umugore we akomeze kwihangana kubyakira ntibyoroshye