Pasika nziza kuri APR, umunsi mubi kuri Rayon. Amafoto

CHIEF EDITOR
04/20/2014

Umunsi wa 24 wa shampionat wabaye kuri iki cyumweru, ikipe ya APR FC niyo iwusoje neza kuko isubiye ku mwanya wa mbere iwuvanyeho Rayon Sports yanganyije na AS Kigali, umukino wayo ukanarangizwa n’imirwano ku kibuga hagati y’abakinnyi n’abafana ba Rayon bashwanye cyane n’abapolisi.

APR FC 3 – 0 Amagaju FC

Mu kirere kibuditse imvura i Nyamirambo niho umukino wabereye, imvura ntabwo yaje kugwa ari nyinshi cyane

Abayobozi bakuru b'ikipe y'ingabo ya APR FC bari baje kuyishyigikira — Abayobozi bakuru b’ikipe y’ingabo ya APR FC bari baje kuyishyigikira

Abafana kuri stade i Nyamirambo bari bacye

Abafana ba APR n'ibikoresho byo gufana — Abafana ba APR n’ibikoresho byo gufana

Ikipe ya APR FC niyo yayoboye cyane uyu mukino

Abakinnyi ba APR basatiriye cyane Amagaju

Umusifuzi yahaye ikarita itukura umuzamu wa Amagaju amaze kugusha Mubumbyi mu rubuga rw'amahina — Umusifuzi yahaye ikarita itukura umuzamu wa Amagaju amaze kugusha Mubumbyi mu rubuga rw’amahina

Suleiman Kakira yiteguye gutera penaliti

Umuzamu w'Amagaju yiteguye gukora akazi — Umuzamu w’Amagaju yiteguye gukora akazi

Abatoza ba APR Vicent Mashami, Didier Bizimana (hagati) na Mugisha utoza abazamu

Ndori Jean Claude uyu munsi yasubijwe mu izamu

Abafana ba APR FC mu nzira bishimira intsinzi yabo no kunganya kwa mukeba Rayon Sports

Rayon 1 – 1 AS Kigali

Imvura i Remera yabanje kwisuka mu kibuga

Byahereye kare; umupolisi n'umufana baturutse hejuru muri muri stade birukankana abantu bagiye kubona babona mu kibuga umwe inyuma y'undi — Byahereye kare; umupolisi n’umufana baturutse hejuru muri muri stade birukankana abantu bagiye kubona babona bageze mu kibuga umwe akiruka inyuma y’undi

Platini Nemeye (ibumoso (wambaye ingofero) umuhanzi wo muri Dream boys yari yaje kuri uyu mukino

Umukino watangiye imvura ikigwa, ba kapiteni b'amakipe yombi hamwe n'abasifuzi — Umukino watangiye imvura ikigwa, ba kapiteni b’amakipe yombi hamwe n’abasifuzi

Babanje gufata umunota wo kwibuka abazize Jenoside

Abakinnyi ba AS Kigali bahagararaga neza cyane mu kugarira

Ku mupira wari uhinduwe imbere y'izamu, Arafat Serugendo yawukozeho — Ku mupira wari uhinduwe imbere y’izamu, Arafat Serugendo yawukozeho

Umusifuzi Munyanziza yihanangiriza Ndatimana

Abasore ba AS Kigali bakomeje gukina neza

Umukino urangiye umutoza wa Rayon yirukiye ku basifuzi hamwe na bamwe mu bakinnyi be bamubwira amagambo menshi

Intambara yahise irota hagati ya Cedric Hamiss na Munyanziza Gervais, umupolisi ari gukiza

umufana Rwarutabura ari kubuza Ndatimana wari umaze gukubitwa ndembo, gusubira kurwana n'abapolisi — umufana Rwarutabura ari kubuza Ndatimana wari umaze gukubitwa ndembo, gusubira kurwana n’abapolisi

Rwarutabura kandi arafata Fouad Ndayisenga amubuza kujya kurwana n'abapolisi — Rwarutabura kandi arafata Fouad Ndayisenga amubuza kujya kurwana n’abapolisi

Umutoza Luc Eymael yumvikanye abwira amagambo mabi abapolisi, abafana bariho bo batera amacupa arimo inkari mu kibuga

Aba ni abafana ba Rayon bari bamaze gutera amabuye abapolisi maze babirukankana babasohora muri stade

Hejuru muri stade abapolisi batamenyekanye barasohora umufana bamukubita

Aba bafana barabaza undi mupolisi impamvu bari kurangiza akavuyo bakubita abandi bafana

Photos/RM Rutindukanamurego & Paul Nkurunziza
ububiko.umusekehost.com

0 Comment

kween says:
04/20/2014 at 22:39

ndumiwe pee!!

bikabyo says:
04/21/2014 at 09:21

gasenyi igira akavuyo bajye bayidiha

kasimu says:
04/21/2014 at 09:53

yaba umusifuzi,yaba police, yaba abakinnyi n’aba bafana, ntanumwe wakoze ibyiza. gusa umusifuzi ashobora kuba ariwe zingiro rya byose, kandi nawe ahari umutima nama we hari icyo uri kumubwira kuko kwima penaliti ikipe iri mwisiganwa nkaririya kandi yariyo yumvaga nyuma biri bubyare iki. ahubwo muzaba muereba ibizabera irusizi iyi samedi, byo hashobora kuzapfa n’umuntu ahubwo police nitangire yitegure, kuko mu Rrda umupira umaze kwinjira nezaneza mu buzima bwa abanyarwanda. bityo inzego zibishinzwe zikore ibizireba kandi uko bigomba, sinumva uburyo umuntu ava iwe agiye kureba match agataha yakubizwe nkuwibye, ibi birongera guca abantu kubibuga nkuko byari bimeze muminsi ishize. nongeye gushima Rwarutabura kugikorwa cyo kubuza abakinnyi kurwana, biaze kugaragara ko football yacu irimo mafiya nyinshi, rayon nayo niba bayibye iyo ireka ikazarega numbwo bitagira icyo bitanga ndakeka bananiwe gu cunga uburakari bwabo. imikino 2 isigaye ihishe byinshi muszibonera.

zizo says:
04/21/2014 at 14:49

hari ifoto uwo mugabo wakubiswe yakuweho, turashaka isubizweho ,kuko yakwifashishwa mubyabereye kuri state
- Kagabo says:
  04/22/2014 at 14:00
  
  APR F.C. Igomba guhindura izina ikitwa RDF F.C. nibyo bijyanye n’igihe tugezemo
  - Leon says:
    04/23/2014 at 09:37
    
    Udasiba amateka. Siyo mpamvu Rayon sport irwanira kuri stade

paul says:
04/21/2014 at 15:04

Ahubwo abakinnyi n’abafana bagiye babanza bakiga indero?gutinyuka kurwana na Police byo urumva harimo kwiyubaha?baradusebya rwose!ubundi se babona bajya gukina aribo bagomba gutsinda bonyine?icyo gihe ndumva niba badashaka competition bakwiyicarira iwabo bakajya baba abambere batakinnye!
- gikundiro says:
  04/22/2014 at 07:33
  
  Paul tuvugishe ukuri ntabwo abafana barwanye na police ahubwo police yakubise abafana,,,,
  - jado says:
    04/22/2014 at 16:24
    
    ntabwo izi kubakubita. ahubwo nawe iyo iza kugukubita nibwo wari kubimenya

kwizera says:
04/21/2014 at 17:27

ndabona uriya mugabo bari kumukubita nkabica inzoka kandi abafana bamaze gusohoka muri stade,ubuse we yaregerande cg azavuzwa nande!!. numvishe hari umunyamakuru wita aba rayon amabandi kuri radio one wabona aricyo uriya yazize. ngize ubwoba kabisa ngiye kujya ntega amatwi sonitec ibyo kuri stade ni dange.
- gatare says:
  04/22/2014 at 07:36
  
  uwo munyamakuru sinamwumvise ariko ndamuketse mwihorere nzi umunwa we ejo uzamwumva avuga ibihabanye n’ibyo avuga uyu munsi.

keza anne says:
04/22/2014 at 10:42

Jye ndabona aba rayon ibyo bakoze bidakwiye iyo bihangana bagatanga ikirego wenda bashobora kuba bararenganye koko ariko ntabwo ikosa rikosozwa irindi iriya myitwarire bagaragaje ntabwo ikwiye mu Rda bazabahane baradusebya kdi nabagira inama yo kwigira kuri Rwarutabura biragaragarako afite discipline yararezwe pe!
- SIMON says:
  04/23/2014 at 13:32
  
  Aba RAYON bamwe bakoresha sentiment cyane;BAKUNDA KUREGANA NK’ABANA BATARAKURA MU MUTWE, DUKWIYE KUBAFASHA BAGAKURA? NDASHIMA COMITE YA RAYON KUKO YEMEYE AMAKOSA IGASABA IMBABAZI.

Domingo says:
04/23/2014 at 16:13

Ibyo byose bifite impamvu kandi ababishoje barabizi. Rayon we, ceceka urabizi ko ntawagucira akanzu, imipango yose yakurangiriyeho. Ahubwo abafana nibategure umunsi bateranye udufaranga, maze tugure igikombe tugihe Rayon kuko intinzi yayo yayibonye kuri APR. Ngicyo igikombe naho icya shampiyona cyo niyo yazura Poku ntacyo yabona mba ndoga GAHITSI..Gukubitwa byari kuri gahunda, gufunga byo si igitangaza, ikibazo Rayon ntabwo imenya aho ihagaze mu ruhando rw’amakipe. Yajyanywe i Nyanza se ku bwayo? Nimureke wenda tuzigumire kuri Volley.
- kamana says:
  04/24/2014 at 13:02
  
  birakwiye ko polici igira igice kihariye cyo kurinda umutekano wabafana ku bibuga. naho ubundi abafana bamwe bazahinduka ibyihebe bitewe n’imyitwarire ya polici yacu yuko ihosha imidugararo yabaye ku ma stades.ubuse iyi poilici wayijyana aho aba hurgans baba? nta mupolici numwe wahava, gusa ndabona bizagera naho polici izajya irasa abafana ngo irimo guhosha akavuy0 nibatabasha kumenya uko abafana bateye nuko bagomba kubarinda mubihe nkabiriya.wagirango polici yacu ntireba imipira yo mubihugu byateye imbere mu mupira iyo habaye akavuyo nkaka ko harubwo nabafana bapfa bitewe nuko polici yabasohoye !bafana namwe mugomba kumenya uko mwiyakira mugihe cyose habonetse igisubiso kitabanyuze kuko nibyo bizabarinda kudatakaza ubuzima bwanyu.mwibuke ibyabereye mu bwongereza abafana bapfa, ibyabereye mu bugiriki, ibyabereye muri brazil, ………….nkumufana icyo nicyo gitekerezo cyanjye. abafuynzwe bazagaragaraho amakoza bazabahane pe, kdi bahananwe nabariya bapolici bitwaje umwambaro wigihugu bagahondagura abantu nkabica inzoka

uwineza ange says:
04/28/2014 at 10:38

Niyo mpamvu umupira w’u Rwanda udateze kurenga umupaka igihe cyose harengerwa ikipe imwe ngo abe ariyo itsinda mbega FERWAFA namwe muri nk’abana mu mitwe pe. Ubundi ntushobora kubona ubuhanga bw’umuntu utarushanijwe uzarebe umwana mwishuri iyo mwarimu amukunda akajya amuha amanota y’ubusa arangiza nta bwenge afite niyo mpamvu na APR F C itajya hanze ngo ivaneyo ibitego barayangiria pe.

uwineza ange says:
04/28/2014 at 10:42

Niyo mpamvu umupira w’u Rwanda udateze kurenga umupaka igihe cyose harengerwa ikipe imwe ngo abe ariyo itsinda mbega FERWAFA namwe muri nk’abana mu mitwe pe. Ubundi ntushobora kubona ubuhanga bw’umuntu utarushanijwe uzarebe umwana mwishuri iyo mwarimu amukunda akajya amuha amanota y’ubusa arangiza nta bwenge afite niyo mpamvu na APR F C itajya hanze ngo ivaneyo ibitego barayangiria pe.Mbega polisi dufite weeeeeeeeeeeeeeeeeeee birababje gukubita umuntu aguhunga nta kosa afite ni akumiro pe biragayitse cyane umunsi uwo mwambaro mwawukuyemo bakabishyura ntimuzatake

Comments are closed.

APR FC 3 – 0 Amagaju FC

Rayon 1 – 1 AS Kigali

Share this:

0 Comment