Paruwase ya mbere ya EPR yafunguwe muri Gisagara

CHIEF EDITOR
01/17/2017

Eglise Presbyterienne aux Rwanda (EPR) imaze imyaka 109 ikora ivugabutumwa mu Rwanda, gusa hari ibice by’u Rwanda itaragezamo umurimo wayo, ku cyumweru nibwo yafunguye Paruwase yayo ya mbere mu karere ka Gisagara. Mu muhango wanaranzwe no koroza bamwe mu batishoboye.

Rev. Pasteur Célestin Nsengimana yashyikirije umuyobozi wa Paruwase nshya (uri inyuma) ibikoresho n'ibirango byayo birimo cachet yabo — Rev. Pasteur Célestin Nsengimana yashyikirije umuyobozi wa Paruwase nshya (uri inyuma) ibikoresho n’ibirango byayo birimo cachet yabo

Yiswe Paruwase (irerwa) ya Mugombwa mu muhango witabiriwe n’abaturage benshi bo muri aka gace mu murenge wa Mugombwa.

Muri ibi birori kandi habayeho kuremera abatishoboye bahabwa inkoko zo korora n’ibikoresho by’ishuri ku bana bitegura gutangira amashuri kuwa 23 Mutarama 2017.

Rev. Pasteur Célestin Nsengimana umuyobozi wa Presibiteri ya Gitarama wayoboye uyu muhango yasabye abakristo b’iyi Paruwasi ya Mugombwa ko hari icyo bagomba gukora kugira ngo ntibakomeze kuba Paruwase irerwa.

Mu izina ry’abakristu, umuyobozi wa EPR Paruwase (irerwa) ya Mugombwa Ev. Samuel Habarurema yavuze ko bishimiye kuba bavuye ku rwego rw’ishuri bakaba Paruwase ‘irerwa’. Ko intego ubu bafite ari uko bazaba Paruwase yuzuye.

Uyu muhango warimo kandi abashyitsi nka Pastor Catherine Kay Day umwarimu muri Kaminuza yigisha iyobokamana mu karere ka Huye (PIASS) na Korali “Les messagers” y’abanyeshuri b’abapresibiteriyene biga iyobokamana muri PIASS n’abandi bashyitsi batandukanye.

Ev Samuel Habarurema uyobora Paruwase 'irerwa' ya Mugombwa ya mbere ya EPR igeze mu karere ka Gisagara yavuze ko bagiye gukora cyane bakaba Paruwase yuzuye — Ev Samuel Habarurema uyobora Paruwase ‘irerwa’ ya Mugombwa ya mbere ya EPR igeze mu karere ka Gisagara yavuze ko bagiye gukora cyane bakaba Paruwase yuzuye

Chorale Les Messagers y'abiga muri PIASS yasusurukije uyu munsi — Chorale Les Messagers y’abiga muri PIASS yasusurukije uyu munsi

Bamwe mu batishoboye uyu munsi bahawe inkoko zo korora n'abana bahabwa ibikoresho byo kujyana ku mashuri bazatangira kuwa mbere — Bamwe mu batishoboye uyu munsi bahawe inkoko zo korora n’abana bahabwa ibikoresho byo kujyana ku mashuri bazatangira kuwa mbere

i Mugombwa mu karere ka Gisagara niho ubu habanje Paruwase ya EPR — i Mugombwa niho ubu habanje Paruwase ya EPR muri Gisagara

UM– USEKE.RW

Share this:

2 Comments