Papa ntashyigikiye itegeko ryo gukuramo inda
Papa Francis yamaganye yivuye inyuma itegeko ryo gukuramo inda aho yavuze ko cyaba ari ikimenyetso kigaragaza ko umuco watakaye burundu, igitekerezo cyari gitegerejwe na benshi bo muri Kiliziya Gatulika.
Ibi Umushumba wa Kiliziya Gatolika yabigarutseho kuri uyu wa 14 Mutarama, 2014.
Mu majambo yagiye ageza ku batuye isi mu mwaka ushize wa 2013, Papa yaranzwe no kugenza make ku itegeko ryo gukuramo inda.
Kuri uyu wa mbere ubwo yagezaga ijambo rigenewe imbaga nyamwinshi y’abatuye isi, ni bwo Papa yahamagariye abantu kwamaganira kure iri tegeko kuko uretse kuba ari uguta umuco ngo ni n’igikorwa cy’ubunyamaswa.
Yagize ati “Uretse no kuba ari ukubangamira uburenganzira bw’umwana, ni n’igikorwa cy’ubunyamaswa kidakwiye kurangwa mu gihe nk’iki cy’urumuri tugezemo.”
Yakomeje agira ati “Mu by’ukuri icyabuze si ibiribwa gusa ahubwo hari n’abantu ubwabo bishyize mu kato cyangwa se bifata nk’aho ntacyo bari cyo.”
Kuva Papa Francis yakwimikwa kuba Umushumba wa Kiliziya Gatulika muri Werurwe, 2013 yakomeje gutangaza ko nta kimenyetso cy’impinduka kigaragaza ko Kiliziya Gatulika itarwanya iri tegeko ryo gukuramo inda.
Martin NIYONKURU
ububiko.umusekehost.com
English
0 Comment
Ntabwo isi ihindura Kilizaiya ya Yezu Kristu ni Kiliziya igomba gukomeza guhindura isi! ni bwo butumwa bwayo. Nta mpamvu n’imwe ibaho , kereka iyemeje n’abaganga nabwo bagambiriye gukiza ubuzima bw’umubyeyi. naho ibyateye ngo uwafashwe ku ngufu afite uburenganzira bwo kwica utagize uruhare muri icyo cyaha, ni igikorwa cya kinyamaswa nk’uko umugaragu wa Yezu Papa Francis abivuga. si we kandi ngira ngo aravuga ibya BOSS we. kuko Ni We wavuze ati” muzi byavuzwe ngo ntukice, njye mvuzeko n’utuka umuvandimwe azabibazwa”. Ijambo ry’Imana
Comments are closed.